بنیادی صفحہ / کاروباری / آغاز فنانسنگ / رہبر کی جانب سے حلال سرمایہ کاری پر بنگلور میں اجلاس

رہبر کی جانب سے حلال سرمایہ کاری پر بنگلور میں اجلاس

rahbar Ijlas

اقتصادی ماہرین کے ساتھ تجربہ کار سرمایہ کاروں کی شرکت متوقع
بنگلور:(معیشت نیوز)’’ ملک میں حلال سرمایہ کاری کے مواقع مفقود ہیںجبکہ اس سلسلے میں رہنمائی کرنے والے ادروں کی بھی کمی پائی جاتی ہے۔یہی وجہ ہے کہ کچھ اہل فکر لوگوں نے اس سلسلے میں قدم بڑھایا اور حلال سرمایہ کاری یا حلال معیشت کی کمی کو پوری کرنے کی کوشش کی ہے ۔آج اسی سلسلے کا اجلاس دارالسلام بلڈنگ،کوئنس روڈ،بنگلور میںشام پانچ بجے منعقد ہو رہا ہے‘‘۔ان خیالات کا اظہار رہبر فائنانشیل کنسلٹنٹس کے سی ای او مدثر بیگ نے کیا۔انہوں نے تفصیل بیان کرتے ہوئے کہا کہ ’’۲۰۱۳ میں رہبر فائنانشیل کنسلٹنٹس کا وجود عمل میں آیاتھا تاکہ شرعی اصولوں کی روشنی میں جہاں سرمایہ کاری کی جاسکے وہیں سرمایہ کاروں کو یہ بتایا بھی جاسکے کہ شرعی طور پر کام کرنے والے ادارے کون ہیں اور شرعی تقاضوں کا لحاظ رکھتے ہوئے کس طرح تجارت کی جاسکتی ہے‘‘۔مدثر بیگ نے مذکورہ اجلاس کی اہمیت کا تذکرہ کرتے ہوئے کہا کہ ’’حلال سرمایہ کاری کسے کہتے ہیں؟سودی معاملات سے کیسے بچا جاسکتا ہے؟ سرمایہ کاری(انویسٹمنٹ)کرتے وقت کن باتوں کا لحاظ رکھنا ضروری ہے جبکہ مارکیٹ میں موجود خراب لوگوں سے کیسے بچا جاسکتا ہے جیسے امور سے عام آدمی متعارف نہیں ہے جبکہ بڑی تعداد میں سرمایہ کاری کرنے والے حضرات ان باتوں سے لاعلم ہوتے ہیں لہذا اس اجلاس میں جہاں ہم ان امور پر توجہ دیں گے وہیں ماضی میں ہوئے لوگوں کے تلخ تجربات سے بھی استفادہ کرائیں گے تاکہ لوگ کسی طرح کے مغالطے میں نہ آئیںاور کسی بھی سرمایہ کار کوکوئی اپنے جھانسے میں نہ لے سکے۔‘‘ انہوں نے کہا کہ ’’رہبر فائنانشیل کنسلٹنس نے اپنے قیام سے ہی اس بات کی کوشش کی ہے کہ ایک دوستانہ ماحول میں جہاں لوگ تجارت کریں وہیں اپنے سرمایہ کو بھی بڑھانے کی کوشش کریں ۔الحمد للہ ہم نے اب تک جتنے بھی معاہدے کروائے ہیں اس میں کامیابی میسر آئی ہے‘‘۔مدثر بیگ نے تاجروں،صنعت کاروں اور سرمایہ کاروں سے اپیل کرتے ہوئے کہا کہ وہ اس اجلاس میں شرکت کریں اورقیمتی اوقات کو شریک احباب سے استفادہ کرنے میں لگائیں‘‘۔
واضح رہے کہ دارسلام بلڈنگ ،کوئنس روڈ میں مذکورہ پروگرام شام پانچ بجے شروع ہوجائے گا ۔

تعارف: نمائندہ خصوصی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*