ہندوستانی اقتصادیات دوسری سہ ماہی میں رفتار پکڑے گی: رپورٹ


نئی دہلی، 1 نومبر (ایجنسی): ایسو چیم کی ایک سروے رپورٹ میں اس بات کا امکان ظاہر کیا گیا ہے کہ ہندوستانی اقتصادیات کی شرح ترقی رواں مالی سال کی دوسری سہ ماہی یعنی اکتوبر-مارچ (2016-17) میں تیز ہوگی کیوں کہ فروخت میں تیزی اور پیداواری صلاحیت کے استعمال میں بہتری دیکھنے کو مل رہی ہے۔ سروے کا کہنا ہے کہ نئی سرمایہ کاری اور روزگار کے نئے مواقع پیدا ہونے کا چیلنج اب بھی بنے رہنے کے آثار ہیں۔ اس میں کہا گیا ہے کہ دوسری سہ ماہی میں تیزی کا سب سے بڑا دارومدار خاص کر سرکاری سرمایہ کاری پر ہے جو بنیادی ڈھانچہ کی ترقی پر زبردست سرمایہ کاری کر رہی ہے۔ ایسو چیم بز کام سروے رپورٹ میں شامل 66 فیصد کمپنیوں نے امید ظاہر کی ہے کہ دوسری سہ ماہی میں ان کی فروخت اور پیداواری صلاحیت کا استعمال بڑھنے کی امید ہے لیکن وہ نئی سرمایہ کاری کے بارے میں ابھی یقین کے ساتھ کچھ نہیں کہہ سکتے۔ حکومت کے پالیسی پر مبنی اصلاحات اور امریکہ میں شرح سود بڑھائے جانے کے امکانات کے درمیان عالمی سطح پر نظر آ رہے چیلنجز کے باوجود روپے کی قیمت میں استحکام سے بھی شرح ترقی کے تئیں مقامی کمپنیوں کا اعتماد بڑھا ہے۔ رپورٹ میں کہا گیا ہے کہ 2016-17 کی پہلی چھ ماہی کے مقابلے میں دوسرے چھ ماہی کو لے کر اعتماد زیادہ واضح جھلکتا ہے۔
ایسو چیم کے سربراہ سنیل کنوڈیا نے اس سلسلے میں کہا کہ ”ایک اچھی بات یہ ہے کہ اس وقت کمپنیوں کے اعتماد میں واضح بہتری نظر آ رہی ہے۔ یہ نئی سرمایہ کاری اور صارفین کے اعتماد کے لحاظ سے انتہائی اہم ہے۔“ سروے رپورٹ کے مطابق 55.6 فیصد شریک کاروں کا کہنا ہے کہ ستمبر سہ ماہی میں فروخت میں اضافہ ہوا ہے اور وہ تصور کرتے ہیں کہ اکتوبر-دسمبر 2016 میں فروخت مزید بہتر ہوگا۔ حالانکہ کنوڈیا کا کہنا ہے کہ جب تک صارفین کی طلب میں مزید بہتری نہیں ہوتی، پیداوار کنندگان اور خدمات دہندہ کی قیمت بڑھانے کی طاقت نہیں بڑھے گی۔

Leave a Reply

Your email address will not be published. Required fields are marked *