بنیادی صفحہ / خبریں / بازار / جرمنی ٹیکسٹائل میلہ میں ہندوستان دوسرا سب سے بڑا شراکت دار

جرمنی ٹیکسٹائل میلہ میں ہندوستان دوسرا سب سے بڑا شراکت دار


ممبئی، 5 جنوری (ایجنسی): جرمنی کے فرینکفرٹ شہر میں 10 سے 13 جنوری تک منعقد ہونے والے دنیا کے سب سے بڑے ٹیکسٹائل، ہوم اور فرنشنگ میلہ میں ہندوستان دوسرا سب سے بڑا شریک ملک ہے۔ یہ میلہ اس سیکٹر کا سال کا سب سے پہلا میلہ ہے جو سال بھر پورے کاروبار کی رفتار طے کرتا ہے۔ اس میں انٹیریر ٹیکسٹائل، ہوم فرنشنگ، ہاﺅس ہولڈ ٹیکسٹائلس اور اس سے جڑی اشیاءکے نئے ٹرینڈ اور نئی سوچ کی نمائش کرے گا۔ ہندوستان کی اس سیکٹر سے جڑی سبھی اہم کمپنیاں میلے میں شریک ہو رہی ہے جس میں ایلپس انڈسٹریز، ڈیڈیکور، انڈو کاﺅنٹ، کے جی ڈینم، ٹرائڈینٹ اور ویسپن سمیت دیگر کمپنیاں شامل ہیں۔
اس کے ساتھ ہی ہندوستان کی طرف سے انٹیریر لائف اسٹائل ایوارڈس 2016 کی فاتح رِدّھی جین بھی اس میں اپنے کلیکشن ’ری وائی میڈیم‘ کی نمائش کریں گی جو کہ ہوم ٹیکسٹائل کا کلیکشن ہے اور اس کے پیچھے کی سوچ ’ری سائکلنگ‘ ہے۔ اس میلے میں ہندوستان کءاہم سرکاری ادارے بھی حصہ لیں گے جن میں کاٹن ٹیکسٹائل ایکسپورٹ پرموشن کونسل (ٹیکس پروسل)، ہینڈ لوم ایکسپورٹ پرموشن کونسل (ایچ ای پی سی)، پاور لوم ڈیولپمنٹ ایکسپورٹ پرموشن کونسل (پی ڈی ای ایکس سی آئی ایل) اور ایکسپورٹ پرموشن کونسل فار ہینڈی کرافٹس (ای پی سی ایچ) شامل ہے۔ ان کے علاوہ ملک کے 380 سے زائد اشیاءساز بھی شریک ہوں گے۔ چین کے بعد ہندوستان اس بین الاقوامی میلے میں شامل ہونے والا دوسرا سب سے بڑا شریک ملک ثابت ہو رہا ہے۔

تعارف: نمائندہ خصوصی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*