بنیادی صفحہ / خبریں / مدھیہ پردیش میں ہندتووادی دہشت گردوںکا قہر

مدھیہ پردیش میں ہندتووادی دہشت گردوںکا قہر

ہندتو وادی دہشت گرد گئو رکشا کی آڑ میں مسلم نوجوان کو پیٹتے ہوئے(تصویر:فیس بک)

ہندتو وادی دہشت گرد گئو رکشا کی آڑ میں مسلم نوجوان کو پیٹتے ہوئے(تصویر:فیس بک)

گئو رکشا کے نام پر نوجوان کی جم کر پٹائی ، تین گرفتار ، 9 لوگوں کو ملزم بنایا گیا
بھوپال :وزیر اعظم نریند رمودی کی سرزنش کے باوجود ہندتو وادی دہشت گرد لگام میں نہیں آرہے ہیں۔ گئوركشا کے نام پر ہندتووادی دہشت گردوں کی کارروائی تھمنے کا نام نہیں لے رہی ہے۔ تازہ واقعہ مدھیہ پردیش کے اجین میں پیش آیا ہے جہاں کچھ ہندتو وادی دہشت گردوں نے گئوركشاکے نام پر گائے لے جاتے ہوئے ایک شخص کی جم کر پٹائی کردی۔ نیوز ایجنسی اے این آئی کی جانب سے جاری کئے گئے ویڈیو میں کچھ لوگ ایک شخص کو پیٹتے ہوئے دکھائی دے رہے ہیں۔جبکہ سوشل میڈیا پر بھی یہ ویڈیو خوب وائرل ہو رہا ہے۔
پپو نامی نوجوان کو پیٹنے والے مسلسل اس پر گئوکشی الزام لگا رہے تھے۔ نوجوان اپنی جان بچانے کی فریاد کرتا رہا، پٹائی کرنے والوں نے کچھ بھی نہیں سنا ۔ اگر بیچ بچاو میں لوگ نہیں آتے تو بھیڑ پیٹ پیٹ کر نوجوان کا قتل ہی کر دیتی۔ اطلاع ملتے ہی موقع پر پہنچی جیوجی گنج پولیس نے آتنکی ملزم چیتن سانكھلا سمیت 3 افراد کو گرفتار کر لیا ہے۔ اس سلسلہ میں کل 9 لوگوں کو ملزم بنایا گیا ہے۔
قابل ذکر ہے کہ اس سے پہلے یوپی سمیت کئی ریاستوں میں گئوركشا کے نام پر ہندتو وادی دہشت گردوں کی طرف سے قتل کے ساتھ ساتھ مارپیٹ کا واقعات سامنے آ چکے ہیں۔ جس کی وجہ سے بھارتیہ جنتا پارٹی کے ساتھ وزیر اعظم نریندر مودی کو بھی کئی مرتبہ اپوزیشن کی تنقید کا سامنا کرنا پڑا ہے۔

تعارف: نمائندہ خصوصی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*