دی گرو آف فٹنس اینڈ سیلف ڈیفنس کی جانب سے ممبرا میں پروگرام

دی گرو آف فٹنس اینڈ سیلف ڈیفینس کے چیئرمین محمد زبیر چودھری کو دیکھا جاسکتا ہے

ممبرا(پریس ریلیز) دی گرو آف فٹنس اینڈ سیلف ڈیفنس نےاپنا ضلعی سطح پر ٹائکوانڈ چیمپئن شپ کا انعقاد ممبراکے ڈائمنڈ ھال میں کیا ۔جس میں تقریبا 250 بچوں نے شرکت کی،اکیڈمی آف کمبائن مارشل آرٹ کے اشتراک سے منعقدہ اس پروگرام میںتقریباً12 اسکولوں نے اپنے بچوں کو بھیجا جس میں الھدایہ پبلک اسکول۔ ایم ایس کریٹیو ۔القلم اسکول ۔ ھلال اسکول ۔نادی الفلاح ۔اچیروس ورلڈ اکیڈمی وغیرہ نے شرکت کر اسپورٹس سے دلچسپی ظاہر کی ۔واضح رہے کہ تمام اسکول کے بچوں نے بہترین کارکردگی کا مظاہرہ کیا اور گولڈ،سلور، برانز میڈل حاصل کیا ۔البتہ تین بہترین ٹیم کو پہلی دوسری اور تیسری پوزیشن کی مناسبت سے ٹرافی سے نوازا گیا جس میں الھدایہ پبلک اسکول شیل برانچ کے بچوں نے پہلی پوزیشن حاصل کی جبکہ ایم کریٹیو بھیونڈی برانچ نے دوسری جب کہ تیسری پوزیشن الھدایہ پبلک اسکول ممبرا بوائز برانچ نے حاصل کی۔دی گرو آف فٹنس اینڈ سیلف ڈیفینس کے چیئرمین محمد زبیر چودھری اور شعیب خان نے بچوں کی کار کردگی کوسراہا اور آئندہ اس طرح کے پروگرام منعقد کرتے رہنے کی یقین دہانی کرائی ۔