بنیادی صفحہ / خبریں / اہلیان ممبراا ین پی آر کی تیاری ابھی سے کریں،رابطہ کمیٹی کے ذمہ داران کی اپیل

اہلیان ممبراا ین پی آر کی تیاری ابھی سے کریں،رابطہ کمیٹی کے ذمہ داران کی اپیل

ممبرا رات میں

ممبرا:(معیشت نیوز) رابطہ کمیٹی ممبرا نے تمام شہریوں سے اپیل کی ہے کہ وہ این پی آر کی تیاری ابھی سے کریں اور اپنے دستاویزات درست کرالیں۔واضح رہے کہ نیشنل پاپولیشن رجسٹر کو اپ ڈیٹ کرنے کا کام پورے ملک میں یکم اپریل ۲۰۲۰ء؁ سے شروع ہو گا اور۳۰؍ستمبر ۲۰۲۰ء؁ تک چلے گا ، اس پروگرام کے تحت گھرگھر جا کر شہریوں کی تفصیلات جمع کی جائیں گی ۔حکومت نے ارادہ کیا ہے کہ اب نیشنل پاپولیشن رجسٹر کو ڈجیٹل یعنی کمپیوٹرائز ڈکیا جائے ، جس میں ہرشہری کی پوری پہچان آنکھ اور انگلیوں کے نشانات کے ساتھ محفوظ رہے ۔جب یہ کام شروع ہو تو اپنے گھر کے ہر فرد کا نام اور تفصیلات درج کرائیں ، شناخت کے لیے کچھ دستاویزات بھی جمع کرنے ہوں گے ، ابھی حکومت کی طرف سے دستاویزات کی تعیین نہیں کی گئی ہے ، لیکن سابقہ این پی آر کے ڈھانچہ کو دیکھ کر لگتا ہے کہ مندرجہ ذیل کاغذات میں سے دو یا تین کاغذات مانگے جا سکتے ہیں ، اس لیے ہر شخص کی ذمہ داری ہے کہ نیچے لکھے دستاویزات میں سے کم از کم تین دستاویز تیار رکھیں اور گھر کے ہر فرد کے لیے تیار کھیں ۔اور ان سبھی میں نام ، ولدیت، تاریخ پیدائش اور پتہ ایک جیسے ہوں (۱) پاسپورٹ(۲) ڈرائیونگ لائسنس(۳)آدھار کارڈ(۴)راشن کارڈ(۵)سرکاری یا نیم سرکاری آفس کا شناختی کارڈ(۶)بینک پاس بک (۷)کسانوں کا شناختی کارڈ(۸)پین کارڈ(۹)آر جی آئی کی طرف سے جاری اسمارٹ کارڈ(۱۰)پانی /بجلی/گیس/ ٹیلیفون کا حالیہ بل(۱۱) برتھ سرٹیفکیٹ (۱۲)ووٹر آئی ڈی کارڈ(۱۳)بورڈ یا یونیورسٹی کے کاغذات(۱۴)زمین کے کاغذات(والد نانا، دادا وغیرہ کے نام کے)(۱۵)ووٹر لسٹ کی کاپی(۱۶)مقدمات کے کاغذات(۱۷)رہائشی (آواسیہ)سرٹیفکیٹ(۱۸)وراثت نامہ(ونشاولی)(۱۹)ایل آئی سی کے کاغذات(۲۰) پوسٹ آفس کے کاغذات(۲۱) رفیوجی رجسٹریشن سرٹیفکٹ ۔ این پی آر میں رجسٹریشن کے لیے مندرجہ بالا کاغذات میں سے کچھ کو دیکھ کر این پی آر میں ہر شہری کا رجسٹریشن ہو جائے گا ، مگر حکومت کی جو منشا ہے کہ آسام کے طرز پر ملک بھر میں این آرسی نافذ ہو اس معاملہ میں کسی غلط فہمی میں نہ رہتے ہوئے ابھی سے ہر شخص کو تیاری کرنی چاہئے تاکہ اس وقت دشواری کا سامنا نہ کرنا پڑے ، اس سے گھبرانے یا پریشان ہو نے کی ضرورت نہیں ہے بلکہ مندرجہ بالا دستاویزات میں سے زیادہ سے زیادہ دستاویز تیار رکھیں ان شا ء اللہ اسی بنیاد پر این آر سی میں بھی نام شامل ہو جائے گا۔رابطہ کمیٹینے تمام شہریوں ، مخلصین ، رفاہی ملی اور سماجی تنظیموں ، ائمہ مساجد ، اساتذہ اور پڑھے لکھے سمجھدار لوگوں سے اپیل کی ہے کہ وہ اپنے اپنے علاقے میں عام لوگوں کے کاغذات کو درست کرائیں ، ہر علاقے میں کیمپ لگا کر بھی دستاویزات کو درست کرانے کی ترغیب دلائی جائے ۔

تعارف: نمائندہ خصوصی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*