بنیادی صفحہ / خبریں / مزدوروں پر کیمیکل چھڑکاؤ معاملہ نے طول پکڑا ، ضلع مجسٹریٹ نے جانچ کا حکم دیا

مزدوروں پر کیمیکل چھڑکاؤ معاملہ نے طول پکڑا ، ضلع مجسٹریٹ نے جانچ کا حکم دیا

Chemical Spray In Bareily

بریلی : اترپردیش کے ضلع بریلی میں سیٹیلائٹ بس اڈے پر زمین پر بٹھا کر مزدوروں پر سوڈیم ہائیپوکلورا سائڈ مرکب پانی سے نہلانے کے معاملے کا سخت نوٹس لیتے ہوئے ضلع انتظامیہ نے جانچ کے احکامات صادر کر دئیے ہیں ۔ ضلع مجسٹریٹ نتیش کمار نے پیر کے روز بریلی میں بتایا کہ اتوار کی دیر شام بریلی سے گزر رہے لوگوں کا علاج بریلی کے چیف میڈیکل افسر ونیت کمار شکلا کی ہدایت پر کیا جارہا تھا ۔ اسی دوران بریلی نگر نگم اور فائر بریگیڈ کی ٹیم کو بسوں کو سینیٹائز کرنے کے بھی ہدایات دئیے گئے تھے ۔

ضلع مجسٹریٹ نے بتایا کہ بسوں کو سینیٹائز کرنے کے دوران کافی حساسیت کی وجہ سے کچھ لوگوں پرسوڈیم ہائیپوکلارائڈ مرکب پانی کا اسپرے کردیا گیا ۔اس معاملے میں جانچ کے ہدایات دئیے گئےہیں اور یہ معلوم کرنے کے لیے کہا گیاہے کہ مسافروں پر کیمکل کا اسپرے کس کے کہنے پر اور کیوں ڈالا گیا ۔

بتایا جاتا ہے کہ جن لوگوں پر کیمیکل کا چھڑکاؤ کیا گیا، ان میں سے کچھ کی طبیعت ناساز بھی ہو گئی ہے اور ان کا علاج کیا جا رہا ہے ۔ ضلع مجسٹریٹ نے مزدوروں پر غلط طریقے سے کیمیکل چھڑکاؤ کے بارے میں ٹوئٹ کر کے بتایا کہ “اس ویڈیو کی جانچ کی گئی ۔ متاثرہ لوگوں کا سی ایم او کی ہدایت میں علاج ہو رہا ہے ۔ کیمیکل چھڑکاؤ کرنے والوں کے خلاف ضروری کارروائی کی ہدایت دے ۔

 قابل ذکر ہے کہ اتوار کو بریلی میں بس اڈے پر پولیس کی موجودگی میں بسوں کے انتظار میں کھڑے سینکڑوں افراد پر کیمیکل مرکب پانی کا اسپرے کیا گیا تھا۔جس کی ویڈیو سوشل میڈیا پر وائرل ہوگئی ۔ اسپرے کی وجہ سے لوگوں کی آنکھیں لال ہوگئیں اور بچے روتے بلکتے ہوئے نظر آ رہے تھے ۔

تعارف: نمائندہ خصوصی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*