بنیادی صفحہ / کارپوریٹ / کورونا وائرس: عظیم پریم جی فاؤنڈیشن نے کیا ’ایک ہزار کروڑ‘ روپے کا عطیہ

کورونا وائرس: عظیم پریم جی فاؤنڈیشن نے کیا ’ایک ہزار کروڑ‘ روپے کا عطیہ

پریم جی

وپرو لمیٹڈ، وپرو انٹرپرائزز لمیٹڈ اور عظیم پریم جی فاؤنڈیشن نے ملک میں کورونا وائرس کے خلاف جاری مہم میں مجموعی طور پر 1125 کروڑ روپئے کے تعاون کا اعلان کیا ہے۔
بنگلورو: عظیم پریم جی فاؤنڈیشن نے ملک میں کورونا وائرس کے وبا کو روکنے کی خاطر جامع ردعمل کے لئے ایک ہزار کروڑ روپئے کا عطیہ کیا ہے۔ آئی اے این ایس کے مطابق بدھ کے روز ایک عہدیدار نے اس کے بارے میں معلومات دی۔
وپرو لمیٹڈ، وپرو انٹرپرائزز لمیٹڈ اور عظیم پریم جی فاؤنڈیشن نے ملک میں کورونا وائرس کے خلاف جاری مہم میں مجموعی طور پر 1125 کروڑ روپئے کے تعاون کا اعلان کیا ہے۔ کمپنی نے بدھ کے روز جاری ایک بیان میں کہا ہے کہ اس سے انفیکشن کے خلاف صف اول میں رہ کر جنگ لڑ رہے صحت کارکنان کی مدد ہوگی۔
کمپنی نے بتایا کہ وپرو لمیٹڈ نے 100 کروڑ، وپرو انٹرپرائزز نے 25 کروڑ اور عظیم پریم جی فاؤنڈیشن نے ایک ہزار کروڑ کا تعاون کیا ہے۔ عظیم پریم جی فاؤنڈیشن کے ترجمان نے ایک بیان میں کہا، ’’جدید عالمی سماج نے اس بحران کا سامنا نہیں کیا ہے۔ ہمیں اس بحران سے نمٹنے کے لئے متحد ہو کر کام کرنا چاہیے اور خاص طور پر پسماندہ افراد پر اس کے انسانی اثرات کو کرنے کی کوشش کرنی چاہیے۔
فاؤنڈیشن کی 1600 رکنی ٹیم ملک بھر میں 350 ارکان پر مشتمل سول سوسائٹی کے شراکت داروں کے ساتھ تعاون کرے گی تاکہ لوگوں کی مدد کے لئے رقوم کو استعمال کرنے کے لئے سرکاری اداروں کے ساتھ تال میل قائم کیا جا سکے۔ دلچسپ بات یہ ہے کہ یہ عطیہ عظیم پریم جی فاؤنڈیشن کے کارپوریٹ سماجی ذمہ داری (سی ایس آر) کے تعاون سے علیحدہ ہے۔

تعارف: نمائندہ خصوصی

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*