جنوبی ایشیا کرپشن کے اعتبار سے دنیا کا بدترین خطہ
بی بی سی خبر رساں ادارے نےٹرانسپیرنسی انٹرنیشنل کےحوالے سے کہا ہے کہ جنوبی ایشیا دنیا کا سب سے بے ایمان خطہ ہے اور اس خطے کے ملکوں کی حکومتوں کو انسداد بدعنوانی کے اداروں کو مضبوط کرنے، سیاسی مداخلت کم کرنے اور بدعنوانی کی نشاندھی کرنے والوں کو تحفظ فراہم کرنے کی ضرورت ہے۔رپورٹ کے مطابق دنیا بھر کے ملکوں میں کرپشن اور بدعنوانی پر نظر رکھنے والے اس بین الاقوامی ادارے نے پاکستان، ہندوستان، بنگلہ دیش، نیپال، مالدیپ، اور سری لنکا کوبدعنوان ملکوں میں شمار کرتے ہوئے کہا ہے کہ یہاں انسداد بدعنوانی کی کاوشیں شدید مسائل کا شکار ہیں۔
ٹرانسپیرنسی کے ایشیا اور بحرالکاہل کے ملکوں کے ریجنل ڈائریکٹر سریساک پلپٹ کے مطابق’ ان کے تجزیوں سے یہ ثابت ہوا ہے کہ جنوبی ایشیا کرپشن کے اعتبار سے دنیا کا بدترین خطہ ہے۔ہندوستان میں فورجی کے ایک گھپلے میں کئی ارب ڈالر کی مبینہ کرپش کی خبرتھی جبکہ سابقہ حکومت کی شکست میں کرپشن ہی اہم رہا ہےتنظیم نے اپنی رپورٹ میں کہا ہے کہ جنوبی ایشیا کے تمام ملکوں میں انسداد بدعنوانی یا کرپش روکنے کے ادارے موجود ہیں لیکن ان ملکوں کی حکومتیں ان اداروں میں اہلکاروں کی تعیناتیوں اور ان اداروں کی مالی مجبوریوں کے ذریعے ان کے ہاتھ باندھے رکھتی ہیں۔رپورٹ میں مزید کہا گیا کہ ان ملکوں کی حکومتوں میں وہ سیاسی عزم ہی نہیں ہے کہ وہ قانون کو حرکت میں لائیں اور اس ہی وجہ سے کرپش روکنے کے تمام اقدامات بے اثر ہی رہ جاتے ہیں۔جنوبی ایشیا کے ان چھ ملکوں کی حکومتوں پر ٹرانسپیرنسی انٹرنیشنل نے زور دیتے ہوئے کہا کہ ہے وہ انسداد بدعنوانی کے اداروں اور عدلیہ کو مستحکم بنانے کے لیے ان اداروں کے سربراہوں اور دیگر عملے کی تعیناتیوں کے عمل کو آزادانہ اور شفاف بنائیں۔رپورٹ میں کہا گیا کہ سیاسی مداخلت اور دباؤ کے باعث یہ ادارے منصفانہ طریقہ سے تحقیقات نہیں کر سکتے اور جنوبی ایشیا کے ملکوں میں یہ ادارے اس لیے بالکل بے اثر ہیں کہ انھیں تحقیقات شروع کرنے سے پہلے سرکار کی اجازت درکار ہوتی ہے۔پاکستان میں معلومات تک رسائی کا قانون زیرِ غور ہے جب کہ سری لنکا میں یہ سرے سے ہے ہیں نہیں۔ ہندوستان کی حکومت معلومات تک رسائی کے اپنے قانون میں ترمیم کر کے اس کے اثر کو کم کرنا چاہ رہی ہے کیونکہ یہ دنیا بھر میں سب سے زیادہ سخت قانون ہے۔پلپٹ نے کہا کہ ٹرانسپیرنسی انٹرنیشنل بھارت کی نئی حکومت پر نظر رکھے گی اور دیکھے گی کہ وہ بدعنوانی ختم کرنے کے اپنے وعدے کس حد تک پورے کرتی ہے۔انھوں نے کہا کہ ہندوستان کی حکومت محتسب کا قانون جو گزشتہ سال منظور کیا گیا تھا اس پر عملدرآمد کو یقینی بنائے اور بدعنوانی کے دیگر قوانین کو منظور کرے جن میں ’وسل بلوئر‘ کا قانون بھی شامل ہے جو جو کسی ادارے میں بدعنوانی کی نشاندھی کرنے والوں کو تحفظ فراہم کرتا ہے۔