Maeeshat – معیشت

دیوبند 30 جون (یو این بی): مولانامدنی روڈ پرواقع مدنی آئی ٹی آئی میں تکنیکی کیریئر کوئنسلنگ پروگرام کاانعقاد کیاگیا۔ جس میں کثیر تعداد میں ہائی اسکول، انٹر، بی اے ،بی کام اور ایم اے کے طلبہ و طالبات نے حصہ لیا۔ اس تقریب کی صدارت ادارہ کے سرپرست مولاناحسیب صدیقی نے کی اور مہمان خصوصی کے طورپرمعروف شاعر ڈاکٹر نواز دیوبندی نے شرکت کی،جبکہ نظامت کے فرائض نجم عثمانی نے انجام دیئے ۔ اس موقع پر طلبہ کی فیٹر،وایرمین، ڈرافٹ مین،سول،الیکٹرونکس مکینک،الیکٹریشن گریڈکے متعلق کونسلنگ کی گئی ۔ اس موقع پر مولاناحسیب صدیقی نے کہاکہ طلبہ کو نصیحت کرتے ہوئے آپ لوگ دو سال کے تکینکی کورس کرکے ملک و بیرون ملک میں روزگا کے بہتر مواقع فراہم کرسکتے ہیں۔انہوں نے کہاکہ تکنیکی تعلیم نہایت ضروری ہے آج اسی کے سہارے روشن مستقبل بنایا جاسکتاہے۔ مہمان خصوصی ڈاکٹر نوازدیوبندی نے طلبہ کی رہنماء کرتے ہوئے کہاکہ آج کے دور میںہائی اسکول کے بعد اچھا نوکری پانامشکل ہے لیکن آئی ٹی آئی کرنے کے بعد روزگار کاپانا آسان ہوگیاہے۔انہوںنے کہاکہ مدنی آئی ٹی آئی کے فضلاء بڑی تعداد میں بیرون ممالک میںبہتر روزگار پر لگے ہوئے ہیں۔ کونسلنگ کرنے والوں میں نوشاد احمد، تنویراحمد، محمدکامل، جے ویر سنگھ، پروین چند پانڈے ،محمد راشد سچن کماروغیرہ کے نام شام تھے۔ کونسلنگ پروگرام کو کامیاب بنانے والوںمیں گوہر نبی، کلیم، ہاشمی،سمیر احمد،ناہید علی ،علاء الدین وغیرہ کے نام شامل ہیں۔