ناندیڑ کی کیلا مارکٹ ترقی کی جانب گامزن
ناندیڑ، 4 جولائی (یو این بی)ناندیڑ کی پھلوں کی بڑی منڈی اب ترقی کے زینے چڑھ رہی ہے ۔مارکٹ کی سڑکیں اور میدان کو 60لاکھ کے فنڈ سے تعمیر کیا جارہا ہے ۔ناندیڑکا کیلا مارکٹ مسلم تاجرین کا ایک بڑا مارکٹ ہے ۔اس مارکٹ میں پھلوںکی تجارت ہوتی ہے ۔لیکن یہ بازار انتہائی خستہ حالت کا شکار ہے ۔جس کی وجہ سے پھلوں کے تاجرین کو مشکلات کا سامنا کرنا پڑتاہے جبکہ یہاں کی گندگی کی وجہ سے پھلوں پر جراثیم بیٹھنے کا خطرہ بھی بنا رہتا ہے۔اسی کے پیش نظر اب کیلا مارکٹ کو درست کیا جارہا ہے یہاں کی سڑکیں اور میدان کو سمنٹ روڈ سے مزین کیا جارہا ہے ۔ناندیڑمیں وزیر اعلیٰ فنڈ سے مختلف سڑکوں کی تعمیر کا کام کیا جارہا ہے ۔ایسے میں کیلا مارکٹ کیلئے بھی اسی میں سے بجٹ بنایا گیا۔کیلا مارکٹ کی سڑک اور میدان کیلئے 60لاکھ روپئے کا بجٹ ملا ہے ۔مقامی کارپوریٹر فاروق بدویل کی نگرانی میں مارکٹ کی تمام سڑکیں اور میدان پر سی سی روڈ بچھائی جارہی ہے ۔ اگر اس روڈاور میدان کی تعمیر ہوجاتی ہے تو پھلوں کی تجارت کافی نفع بخش ہوسکتی ہے ۔ساتھ ہی اس روڈ کی تعمیر سے گندگی کا صفایا ہوجائیگا اور گاہکوں کو صحت بخش پھل دستیاب ہوسکیں گے ۔شہر میں تجارتی تین بڑی تجارتی منڈیا ہیں جس میں پرانا مونڈھا اور نیا مونڈھا کے علاوہ کیلا مارکٹ بھی شامل ہے ۔ اناج کے کاروبار کیلئے پہچانے جانے والے نئے اور پرانے مونڈھے کی سڑکیںاور میدان کو پختہ ،خوبصورت اور صاف بنایا گیا ہے ۔کیلا مارکٹ شہر بھر میں پھلوں کی تجارت کیلئے معروف ہے اس مارکٹ سے بڑی تعدادمیں مسلم تاجرین وابستہ ہیں۔ لیکن مارکٹ اتنا خستہ ہے کہ عام لوگ تو دور گاہک بھی ادھر آنا پسند نہیں کرتے ہیں ایسے میں مضبوط اور پختہ سڑک کی تعمیر مارکٹ کی ترقی میں اہم رول ادا کرسکتی ہے ۔
جبکہ ایک دوسری خبر کے مطابق رمضان کے پہلے جمع کے موقع پر نماز جمعہ کی ادائیگی کیلئے شہر کی سبھی مسجدوںمیںآج کثیر تعدا میں لوگوں نے شرکت کی ۔بیشتر مسجدیں تنگ دامنی کا شکواہ کررہی تھی ۔نظام کالونی کi مسجد خواجگان کے تینوں منزلوں پر مصلیان موجود پائے گئے ۔جگہ کی تنگی کی وجہ سے مسجد کے سامنے والے حصہ میں بھی صفیں لگائی تھی ۔مسجد خواجگان نئے شہر کا ایک بڑا دینی مرکز بن گیا ہے ۔یہاں نماز جمعہ اور تراویح کی نماز کے اہتمام کیلئے شہر کے مختلف مقامات سے بڑی تعداد میںلوگ پہنچ رہے ہیں ۔لوگوں کی کثیر تعداد میں آمد کو دیکھتے ہوئے مسجد کمیٹی کے ذمہ داران کی جانب سے وسیع انتظامات کئے جارہے ہیں ۔پارکنگ کیلئے بھی خصوصی انتظامات کئے جارہے ہیں ۔نماز کے بعد ملک میں امن و امان وسلامتی و خوشحالی کیلئے دعائیں کی گئی ۔