دیوبند 6 جولائی (یو این بی): حفاظتی نقطۂ نظر اور تمام قواعد ضوابط بالائے طاق رکھ کر مختلف کمپنیوں کے ڈسٹری بیوٹر ز کے ذریعہ پری ایکٹیو یٹڈ سم فروخت کرنیکا کا م دیوبند میں بڑے پیمانے پر جاری ہے منافع کمانے کے لالچ میں ڈسٹری بیوٹرز اس غیر قانونی دھندے میں ملوث ہیں۔دیوبند کے محلوں ،گلیوں کے علاوہ مارکیٹ میں موبائل ریچارج کے دوکانوں کے علاوہ کنفیکشنری وغیرہ کی دوکانوں پر بغیر آئی ڈی کے تقریباً سبھی کمپنیوں کے سم خریدے جاسکتے ہیں اس علاقہ کے ڈسٹری بیوٹرز صارفین کو غیر قانونی طریقہ سے یہ سم فراہم کرارہے ہیں یہ سم 50روپے سے 150روپے کی قیمت میں آسانی سے مل رہے ہیں خاص بات یہ ہے کہ ان سموں کے ساتھ پرکشش اسکیمیں دی جارہی ہیں صارف جتنے روپے دیکر سم خریدتا ہے اس سے زیادہ پیسے اس کو پہلے سے ہی ایکٹیویٹڈ سم میں بیلینس کی شکل میں مل جاتے ہیں ۔نام ظاہر نہ کرنے کی شرط پر ایک سم فروخت کرنے والے نے بتایا کہ دیوبند میں اس و قت کئی کمپنیوں کے سم فروخت کئے جارہے ہیں زیادہ منافع کے لالچ میں یہ سم بازاروں میں بھیجے جارہے ہیں۔دا رصل ڈسٹری بیوٹرزایک آئی ڈی پر ایک سے زیادہ سم جاری کرالیتے ہیں بعد ازاں ان کو غیر قانونی طریقہ سے فروخت کردیا جاتا ہے اس غیرقانونی کاروبار سے متعلق دیوبند کوتوالی انچارج کا کہنا ہے کہ اگر انہیں شکایت موصول ہوتی ہے تو کارروائی عمل میں لائی جائے گی۔