شرد پوار کے خلاف زبان کھولنے پر قانونی چارہ جوئی کی دھمکی
ممبئی:مہاراشٹر میں انتخابی سر گرمیاں جاری ہیں ۔ ساتھ ہی ایک دوسرے پر الزام تراشیوں کا سلسلہ بھی دراز ہوتا جا رہا ہے۔ نیشنلسٹ کا نگریس پارٹی کے سپریمو شرد پورا پر لگائے جانے والے الزامات کے جواب میں شرد پوار کی بیٹی ممبر آف پارلیمنٹ سپریا سولے نے سخت تیور اپنا یا ہے۔سپریا نے کہا ہے کہ ’’جو لوگ پارٹی سربراہ شرد پوار کے خلاف الزامات عائد کریں گے ان کے خلاف قانونی چارہ جوئی کی جائے گی ۔پارٹی کی جانب سے اقلیتوں کی آواز بلند کرنے والے ایڈوکیٹ مجید میمن نے بھی سپریا سولے کی تائید کی ہے اور کہا ہے کہ ’’اگر کوئی شرد پوار کے خلاف بے بنیاد الزامات لگائے گا تو اسے کسی قیمت بخشا نہیں جائے گا بلکہ اس کے خلاف قانونی کارروائی کی جائے گی۔
واضح رہے کہ گذشتہ روز کچھ پارٹی کے سربراہوں نے شرد پوار پرمہاراشٹر کی ترقی کی راہ میں رکاووٹ کا الزام لگاتے ہوئے انہیں بدعنوان لیڈر کہا تھا جس کے جواب میں این سی پی نے بھی سخت تیور اختیار کیا ہے۔