وردھا ہندی یونیورسٹی کے ساتھ مل کر جہانگیرآباد میڈیا ادارے نے شروع کیاڈگری کورس
لکھنؤ: (پریس ریلیز)بارہ بنکی میں واقع جہانگیرآباد میڈیا ادارہ میں اب طالب علم ڈگری کورسیز میں داخلہ لے سکتے ہیں۔ مہاتما گاندھی بین الاقوامی ہندی یونیورسٹی، وردھا کے ڈسٹینس لرننگ یعنی فاصلاتی تعلیم کی توسیع کے تحت یونیورسٹی نے جہانگیرآباد میڈیا ادارہ کے ساتھ یہ شراکت کی ہے۔
جہانگیرآباد میڈیا ادارے میں جو تین نئے کورس شروع کئے جا رہے ہیں
1. الیکٹرانک میڈیا اور فلم پروڈکشن میں پی جی ڈپلوما (ایک سال)
2. صحافت اور ماس کمیونیکیشن میں گریجویشن (ایک سال)
3. صحافت اور ماس کمیونکیشن میں ماسٹرز (دو سال)
ان تینوں کورسیز کے لئے کم از کم قابلیت کسی بھی سبجکٹ میں گریجویشن ہے۔
جہانگیرآباد ٹیکنالوجی ادارہ کے کیمپس میں واقع جہانگیرآباد میڈیا ادارہ کی بنیاد سال 2005 میں جہانگیرآباد قلعہ میں میڈیا کی پروفیشنل ٹریننگ کو فروغ دینے کی نیت سے رکھی گئی تھی۔ یہ ادارہ لکھنؤ سے 40 کلومیٹر کے فاصلے پر بارہ بنکی کے جہانگیرآباد قلعے میں واقع ہے۔
چونکہ دیکھنے میں معلوم نہیں چلتا، پھر بھی یہ میڈیا ادارہ مکمل طور پر نئی تراکیب، فن اور بنیادی ڈھانچہ کی خصوصیات، ذمہ دار اور تجربہ کار اساتذہ، میڈیا سے وابستہ لوگوں اور سائنٹفک طور پر تیار کئے گئے کورس میٹیر ئیل سے لیس ہے۔ جہانگیرآباد میڈیا ادارہ کئی سالوں سے میڈیا اور صحافت کے لئے سرٹیفکیٹ اور ڈپلوما کورس چلا رہا تھا، لیکن اب اچھی میڈیا لائبریری اور ٹی وی و ریڈیو صحافت کے لئے جدیدا سٹوڈیو کے ساتھ اب طالب علم کی ڈگری کورس میں بھی داخلہ لے سکیں گے۔
ان نئے کورس کے بارے میں میڈیا ادارہ کے چیئرمین منظور غوری نے کہنا ہے ، ‘جہانگیرآباد قلعہ کے احاطے میں واقع اس ادارے کے پاس جدید بنیادی ڈھانچہ اور مضبوط طریقہ کار ہے۔ ان نئے کورسوں میں اور زیادہ خصوصیات کے ساتھ ہم طالب علموں کو اچھی تعلیم دے پائیں گے۔ ”
جہانگیرآباد ٹرسٹ کے تحت چلنے والے تمام تعلیمی اداروں کو سنبھالنے اور ان کے تئیں ذمہ داری کا فرض ادا کرنے کا بیڑا امریکہ میں واقع خیراتی ادارہ انڈین مسلم ریلیف اینڈ چیرٹیز (IMRC) نے اٹھایا ہے، جسے ہندوستان سے وابسطہ پروفیشنل مل چلاتے ہیں۔
جہانگیرآباد ایجوکیشنل ٹرسٹ کے تحت سال 2009 سے ہی جہانگیرآباد ٹیکنالوجی ادارے کے کیمپس کے تحت کئی سارے کورس چلائے جا رہے ہیں۔ کئی تعلیمی پروگراموں کو جوڑ کر اگلے چند سالوں کے اندر اندر اس ادارے کو پوری یونیورسٹی میں تبدیل کرنے کی کوششیں کی جا رہی ہیں۔
درخواست کی آخری تاریخ 30 جولائی ہے۔