سوچھ بھارت مہم کی کامیابی کے لئے عوام کی جیب کاٹنے کی تیاری
نئی دہلی: (ایجنسی) موجودہ حکومت نے سوچھ بھارت نام سے جو مہم کا آغاذ کیا تھا اور وی آئی پی لوگوں نے سڑکوں پر جھاڑو لگا کر یہ باور کرانے کی کوشش کی تھی کہ وہ ملک کو صاف ستھرا رکھنے میں اسی طرح تن من سے لگیں گے لیکن ہوشیار ہو جائیے کہ اس کے ساتھ دھن کی بھی ضرورت ہے جو آپ سے وصولا جائے گا ۔مذکورہ مہم کے لئے وزیر اعظم نے وزیر اعلیٰ کا ایک گروپ تشکیل دیا تھا جس کو اس تعلق سے رپورٹ تیار کرنا تھا ۔ سوچھ بھارت پر وزرائے اعلی کے ذیلی گروپ نے حفظان صحت کے پروگرام کو نافذ کرنے کے لئے وسائل جمع کرنے کے واسطے ٹیلی کمیونیکیشن کی خدمات، پٹرول اور کوئلہ اور لوہے کی طرح معدنیات پر اضافی ٹیکس لگانے کی سفارش کی ہے
ساتھ ہی ذیلی گروپ نے فی ٹوائلٹ 15،000 روپے کی تعمیر میں مدد فراہم کرنے اور ان لوگوں پر انتخابات لڑنے سے روک لگانے کے لیے بھی کہا ہے جن کے گھروں میں بیت الخلا نہیں ہیں
ذیلی گروپ کے کنوینر اور آندھرا پردیش کے وزیر اعلی این چندرابابو نائیڈو نے نامہ نگاروں کو بتایا، ‘حکومت ہند کو اگلے پانچ سال میں’ سوچھ بھارت ‘کا ہدف حاصل کرنے کے لئے وسائل جمع کرنے کے واسطے ٹیلی کمیونیکیشن کی خدمات، پٹرول، ڈیزل، لوہا وغیرہ پر اضافی ٹیکس نافذ کرنا ہوگا’
ذیلی گروپ کے اجلاس کے بعد نائیڈو نے کہا، ‘ذیلی گروپ نے پالیسی کمیشن کو گروپ کی سفارشات پر اگلے دس دن میں رپورٹ تیار کرنے کو کہا ہے اور پھر تمام وزیر اعلی رپورٹ جمع کرنے کے لئے وزیر اعظم سے وقت مانگیں گے’
