نئی دہلی: (معیشت نیوز و ایجنسی)ہندوستان کے ۱۷ بینکوں سے قرض لے کر فرار شراب کاروباری وجے مالیا کے خلاف جانچ ایجنسی سی بی آئی نے ایک نیا مقدمہ درج کیا ہے جو بینکوں کاقرض ادا کرنے کے وعدے کو مکمل نہ کرکے ان کے ساتھ 6027کروڑ روپے کی دھوکہ دہی کے تعلق سے ہے۔یہ قرض ان کی قیادت والی کنگ فشر ایئر لائنس کے لئے لیا گیا تھا جو اب بند ہو چکی ہے۔سی بی آئی کے ترجمان آر کے گور نے بتایا کہ اسٹیٹ بینک کی جانب سے ملی شکایت کی بنیاد پر تعزیرات ہند کی دھوکہ دہی اور مجرمانہ سازش متعلقہ دفعات کے تحت یہ مقدمہ درج کیا گیا ہے۔الزام ہے کہ کنگ فشر ایئر لائنس نے 17بینکوں کے گروپ کا قرض واپس کرنے کا وعدہ پورا نہیں کرکے انہیں 6027کروڑ روپے کا نقصان پہنچایا ہے۔ایئر لائنز نے یہ قرض 2005سے 2010کے دوران لئے تھے۔اسٹیٹ بینک کنگ فشر ایئر لائنس کو قرض دینے والے بینکوں کے گروپ کی قیادت کر رہا ہے۔ذرائع نے بتایا کہ نئے کیس میں مالیا کے علاوہ ان کی کمپنی کنگ فشر ایئر لائنز اور یونائیٹڈ بریوریز ہولڈنگز لمیٹڈ کو بھی نامزد کیا گیا ہے۔رابطہ کئے جانے پر کمپنی کی جانب سے اس معاملے میں کوئی تبصرہ حاصل نہیں ہو سکا ہے۔سی بی آئی مالیا کے خلاف ان کی بند پڑی ایئر لائن کنگ فشر پرآئی ڈی بی آئی بینک کے بقایہ لون کی ادائیگی میں دھوکہ دہی کی صورت میں ایک کیس پہلے ہی درج کیاہواہے۔اسٹیٹ بینک کا اس ایئر لائن میں 1600کروڑ روپے پھنسا ہے۔بینکوں نے فروری 2013میں کنگ فشر سے لون واپس مانگ لیا پر اس کے بعد وہ یوبی گروپ کے چاہتی ہے میں رکھے حصص کو فروخت کرکے 1100کروڑ روپے ہی نکال سکے۔