نئی دلّی ،19 اکتوبر (ایجنسی): تجارت و صنعت کی وزیر محترمہ نرملا سیتا رمن نے آج آئی پی آر پروموشن اینڈ مینجمنٹ کے سیل ( سی آئی پی اے ایم ) کے لوگو کا آغاز کیا ۔ اس موقع پر انہوں نے کہا کہ یہ ایک اہم کام ہے کیونکہ ہندوستان کی دانش ورانہ املاک سے متعلق سرگرمیوں کو آگے بڑھانے کی ضرورت ہے ۔ اس لوگو کو آئی پی آر کی قومی پالیسی ’ تخلیقی بھارت ۔ اختراعی بھارت ‘ کے نعرے کو مد نظر رکھتے ہوئے ڈیزائن کیا گیا ہے ۔ لوگو ، آئی پی آر پروموشن اینڈ مینجمنٹ کے سیل کی ترجمانی کرتا ہے ، حرف ’ آئی ‘ اور ’ پی ‘ دانش ورانہ املاک کی نمائندگی کرتے ہیں ۔ حرف آئی، دانش وری کے لئے ہے جس کی نمائندگی ایک پینسل کے ذریعہ کی جاتی ہے جس سے تخلیق کا اظہار ہوتا ہے جو بھارت کے ترنگے میں موجود ہے ۔حرف ’ پی ‘ میں جو موڑ ہے ،وہ املاک کے لئے ہے ، جسے ایک گیئر کے ذریعہ ظاہر کیا گیا ہے جو اختراع اورصنعت کی علامت ہے ۔ آئی پی آر پروموشن اینڈ مینجمنٹ کا سیل سی آئی پی اے ایم کو ایک پیشہ ورانہ ادارے کی حیثیت سے ڈی آئی پی پی کی نگرانی میں تشکیل دیا گیا تھا ، جس کامقصد آئی پی آر کی قومی پالیسی پر عمل درآمد کو آگے بڑھانا تھا ۔ اسے مئی ، 2016 میں اس نعرے کے ساتھ حکومت کی جانب سے منظوری دی گئی تھی ’ تخلیقی بھارت ۔ اختراعی بھارت ‘ کے نعرے کے ساتھ منظوری دی گئی تھی ۔ سی آئی پی اے ایم ، ملک میں آئی پی آر سے متعلق عوامی بیداری کی راہ میں کام کر رہا ہے ۔ وہ سہولت کی فراہمی کے ذریعہ آئی پی آر کی فائلنگ کو آگے بڑھا رہا ہے ۔ان کے آئی پی اثاثوں کو کاروباری نوعیت میں ڈھال کر ایک پلیٹ فارم پرایجادات فراہم کر رہا ہے نیز وہ آئی پی آر سے متعلق قومی پالیسی پر عمل درآمد کے کام میں تعاون دے رہا ہے ۔ یہ کام وہ حکومت کے وزراء ، محکموں اور دیگر فریقوں کے ساتھ مل کر انجام دے رہا ہے ۔