نئی دہلی۔21 اکتوبر: صارفین اُمور کے محکمے کی جانب سے کناٹ پلیس واقع نئی دہلی کے سینٹرل پارک میں منعقدہ صارفین میلے میں صارفین نے کافی جوش وخروش کے ساتھ شرکت کی اور اس میلے میں 2000 سے زائد افراد نے یا تو اپنی شکایات درج کرانے یا کونسلنگ کیلئے میلے کا رُخ کیا۔ نیشنل کنزیومر ہیلپ لائن اسٹال کے تحت 200 سے زائد وزیٹروں نے اپنا نام درج کرایا۔ اسٹیٹ بینک آف انڈیا کی رپورٹ کے مطابق 100 سے زائد وزیٹروں نے مختلف سوالوں اور تجاویز کے ساتھ بینک کے کاؤنٹروں سے رابطہ قائم کیا۔ اے ایس سی آئی کاؤنٹر پر 60 وزیٹروں نے گمراہ کن اشتہارات کے بارے میں سوالات کیے۔ ایف ا یس ایس اے آئی کے کاؤنٹر پر 250 ویزیٹرس اور ٹی آر اے آئی کے اسٹال پر 200 وزیٹروں نے اپنی باتیں رکھیں۔
اس میلے کا اہتمام ایف آئی سی سی آئی ، اے ایس ایس او سی ایچ ا ے ایم ، سی آئی آئی ، پی ایچ ڈی چیمبر اور ڈی آئی سی سی آئی جیسی صنعتی انجمنوں اور اس شعبے کی دیگر ریگولیٹر اتھارٹی مثلاً ٹی آر اے آئی ، ایف ایس ایس اے آئی ، بی آئی ایس وغیرہ کے تعاون واشتراک سے کیا گیا تھا اور اس کا افتتاح خوراک اور صارفین اُمور کے وزیر جناب رام ولاس پاسوان نے کیا۔ جسٹس ڈی کے جین ، این سی ڈی آر سی کے صدر جناب ہیم پانڈے ،حکومت ہند کے صارفین اُمور کے محکمے کے سینئر افسروں اور صنعتی انجمنوں کے عمائدین نے اس میلے میں شرکت کی۔ اس میلے کے اہتمام کا مقصد یہ تھا کہ صارفین اور کمپنیوں کو رو برو کرایا جاسکے تاکہ ہر ممکن حد تک ان کی شکایات کا ازالہ ہوسکے۔ یہ ایک ایسا موقع بھی تھا جب صارفین کو برموقع اپنی شکایات درج کرانے کی سہولت فراہم کرائی گئی۔
افتتاح کے دوران وزیر موصوف نے ایک ہفتے چلنے والے صارفین بیداری پروگرام کا بھی آغاز کیا ۔ یہ پورا ہفتہ 20 سے 27 اکتوبر 2016 کے دوران ملک بھر میں منایا جائیگا۔ وزیر موصوف نے اس موقع پر اعلان کیا کہ اگلے سال سے صارفین بیداری ہفتہ 15 مارچ سے ایک ہفتے کے لئے منایا جائے گا۔ انہوں نے کہا کہ 15 مارچ عالمی صارفین حقوق کا دن ہے۔ اتفاق سے محکمے نے 16 سے 31 دسمبر 2016 کے دورا ن سوچھتا پکھواڑے کا اہتمام کرنے کا بھی منصوبہ وضع کررکھا ہے۔ اس میلے کے دوران وزیٹروں کو اپنے گرد ونواح میں صفائی رکھنے کے سلسلے میں صارفین کی ذمہ داری سے بھی آگاہ کیا گیا۔
میلے میں قومی کنزیومر ہیلپ لائنوں کے علاوہ بی آئی ایس ، ایف ایس ایس اے آئی ، این ٹی ایچ، این سی ڈی آر سی، ویٹس اینڈ میزرس جیسے ادارے اور مقتدر نجی کمپنیاں بھی اچھی تعداد میں شریک ہوئیں اور اس طریقے مندوبین نے تقریباً 50 اسٹالوں کا اہتمام کیا۔
میلے کا اختتام کرتے ہوئے صارفین اُمور کے محکمے کے سکریٹری جناب ہیم پانڈے نے تمام ریاستی حکومتوں کو اسی طرح کے مماثل میلوں کا اہتمام اپنی اپنی ریاستوں اور مرکز کے زیر انتظام کے علاقوں میں کرنے کا مشورہ بھی دیا تاکہ صارفین کو بااختیار بنایا جاسکے۔
