حسرت خان موبائل فون پر صٖفا پروجیکٹ ویب سائٹ کا اجراء کرتے ہوئے جبکہ پروجیکٹ کے پارٹنرس عمران اللہ شیخ،اسلم خان و دیگر کو دیکھا جاسکتا ہے(تصویر:معیشت)

شیل پھاٹا میں دوست و احباب کی موجودگی میں صفا پروجیکٹ سے موسوم ویب سائٹ کاحسرت خان کے ہاتھوں اجراء
ممبرا:(معیشت نیوز)صفا انٹر پرائیزیز کی جانب سے شیل جنکشن سے متصل صفا پارک ہائوسنگ کالونی کی مجوزہ زمین کو ایکوائر کرنے کا سلسلہ چل رہا ہے ۔چونکہ پروجیکٹ کی باقاعدہ لانچنگ اسی سال ماہ ستمبر میں ہوگی (انشاء اللہ )لیکن اس سے قبل ابتدائی مراحل طے کئے جارہے ہیں۔
صفا پارک میں دی جانے والی بنیادی سہولتوں ،علاقائی ضرورتوں کے ساتھ یہ خطہ کیسے مثالی بنے گا اسی کی تفہیم کے لئے دوست و احباب اور چنندہ شخصیات کو صفا انٹرپرائیزیز کے پارٹنر عمران اللہ شیخ نے جمعہ کی شب اکیسویں رمضان المبارک کوعشائیہ و سحری میں مدعو کیا جہاں کثیر تعداد میں اہل علم نے شرکت کی۔
ناز کلاسیز کے مالک حسرت خان نے safaprojects.comویب سائٹ کا اجراء کرتے ہوئے جہاں اپنی نیک خواہشات پیش کیں وہیں اس بات کا اظہار بھی کیا کہ ’’عمران اللہ شیخ اور ان کے پارٹنر کی کارکردگی روز روشن کی طرح عیاں ہے ،انہوں نے جو بھی کام کیا ہے وہ پوری دلجمعی کے ساتھ کیا ہے اور ایک ویژن کے تحت اپنے پلان کو کسی بھی خطہ میں منتقل کرنے کی کوشش کی ہے‘‘۔انہوں نے کہا کہ ’’مختلف پروجیکٹس دیکھنے کے بعد اس پروجیکٹ کے لئے میری دعائیں ہیں۔دراصل ان لوگوں کی خاص بات یہ ہے کہ یہ ایسے علاقے کو منتخب کرتے ہیں جہاں جھاڑ، جھنکھاڑہوتا ہے لیکن عمارت بننے کے بعد جب وہ سرسبز و شاداب ہوجاتا ہے تو پھر ہر شخص افسوس کرتا ہے کہ کاش میں نے بھی یہاں بکنگ کرائی ہوتی۔اس کی بہترین مثال ’’گرین پارک‘‘ سے دی جاسکتی ہے‘‘۔
عمران اللہ شیخ نے کہا کہ ’’آپ تمام دوست احباب یہاں تشریف لائے جس کے لئے میں تمام لوگوں کا مشکور ہوں ۔یقیناً جس طرح کی باتیں کی جا رہی ہیں ہم کوشش کریں گے کہ اس پر پورا اتریں ویسے یقین جانیں ہم اسے ایک مثالی کالونی بنانے کی خواہش رکھتے ہیں‘‘۔
واضح رہے کہ صفا پروجیکٹس ویب سائٹ دو زبان (اردو اور انگریزی) میں تیار کی گئی ہے تاکہ دونوں زبانوں کے جاننے والے اس سےاستفادہ کر سکیں۔