ممبئی (پریس ریلیز) تقوی ایڈوائزری اینڈ شریعہ انویسٹمینٹ سالو شنس پرائیویٹ لمیٹیڈ کوٹا ٹا نے اپنے مقامی فنڈ – ٹاٹا ا یتھیکل فنڈ(Tata Ethical Fund) اور بیرونی فنڈ – ٹاٹا انڈین شریعہ مساوی فنڈ(Tata Indian Sharia Equity Fund) کے لئے شریعہ مشیر مقرر کیا ہے۔تاسیس ہندوستان کا وہ معروف ادارہ ہے جو ایک دہائی سے شریعہ مالیت کے ضمن میں مشاورتی خدمات انجام دے رہا ہے۔
تاسیس نے ٹاٹا ایسیٹس مینینجمنٹ لمیٹیڈ (TAML)اور ٹاٹا ایسیٹس مینینجمنٹ ماریشیئس لمیٹیڈ(TAMML) کے لئے شریعہ مشاورتی خدمات فراہم کرنے کے سلسلے میں معاہدے کئے ہیں۔
TEF ایک شریعہ تابع فنڈ ہے جسکا آغاز 1996 میں ہوا تھا۔ اس فنڈ میں جمع شدہ سرمایہ شرعی اصولوں پر متنوع مساوی حصص میں لگایا جاتا ہے۔
پچھلے تین سال میں اس فنڈ کے اثاثے جات 00 2 کروڑ سے بڑھ کر 470 کروڑ روپے ہو گئے ہیں۔جبکہ TISEF ایک لا اختتام مدتی فنڈ ہے جو ماریشیئس میں قائم ہے۔ یہ فنڈ اپنے سرمایہ کو شریعہ تابع مساوی حصص میں لگا تا ہے۔ اس فنڈ کے موجودہ اثاثے جات 17 ملین USD ہیں۔
تاسیس کو شریعہ پر مبنی سرمایہ کاری کے مطابق مشاورتی خدمات میں مہارت حاصل ہے۔ اسکی مشاورتی خدمات میں مالیاتی مصنوعات کی شرعی اصولوں پر تشکیل ، تصدیق اور نگرانی کرنا شامل ہے۔ اسکے علاوہ تاسیس اسٹاک ایکسچینج پر خرید وفروخت کئے جانے والے حصص کی شرعی اصولوں پر جانچ کرتی ہے۔ اور شریعہ کے تابع حصص کی فہرست فراہم کرتی ہے۔
تا سیس کے ڈائیریکٹر جناب محمد حسین کھٹکھٹے صاحب کے مطابق شریعہ تابع کسی میوچول فنڈ اسکیم کے لئے یہ ضروری ہے کہ اسکی سرمایہ کاری اور سرمایہ کاری کا طریقہ شرعی اصولوں پر مبنی ہو۔ تاسیس کی خوش قسمتی ہے کہ اسکے شریعہ بورڈ پر بین الاقوامی سطح کے معروف علما ء موجود ہیں۔ تاسیس شریعہ بورڈ کے مطابق کسی کمپنی کے حصص میں سرمایہ لگانا شرعا ًجائز ہے اگر اس کمپنی کا کاروبار شریعہ کے مطابق جائز ہو اور وہ شریعہ بورڈ کے طے شدہ مالیاتی معیار اور حدود کے دائرے میں ہو۔
موجودہ معاہدوں کے تحت تاسیس کی ذمہ داری ہے کہ وہ اس بات کو یقینی بنائے کہ TEF اور TISEF کی سرمایہ کاری اور انکا طریقہ کار شریعت کے تابع ہو۔
یہ بات قابل ستائش ہے کہ آج اسلامی مالیاتی اثاثہ جات تقریباًٍ 2.3 بلین USD تک پہنچ گیا ہے ۔ اسلامی مالیات بین الاقوامی مالیات میں تیز رفتار سے ابھرنے والا شعبہ ہے ۔ اس میں اسلامی فنڈ س کا حصص 92 بلین USD ہے۔ اسی طرح ہندوستان میں اسلامی فنڈس کے اثاثے جات 80 ملین USD ہے۔
آج دنیا کے تقریباً 75 ملکوں میں اسلامی مالیاتی نظام موجود ہے جن میں یورپ ، امریکہ ، ایشیا اور افریقی ممالک شامل ہیں۔عام طور پر ہندوستانی مسلمان روایتی سرمایہ کاری جس میں سود ملوث ہے اس سے پرہیز کرتے ہیں ۔ اسکے علاوہ بیشتر مسلمانوں میں سرمایہ کاری کا شعور /رحجان بہت کم پایا جاتا ہے۔
ان حالات میں ، TEF جیسے سرمایہ کاری کے ذرائع اس ملت کو ملکی مالیاتی نظام کا حصہ بنانے میں مدد گار ثابت ہونگےاور ملک میں صد فی صد مالیاتی شمولیت کے مقصد کو حاصل کرنے میں کارگر ثابت ہونگے۔