سری نگر، 31 دسمبر (یو ا ین آئی) جنوبی کشمیر کے ضلع پلوامہ کے لت پورہ اونتی پورہ میں واقع 185 بٹالین سینٹرل ریزرو پولیس فورس (سی آر پی ایف) کے گروپ ٹریننگ سینٹر پر دو سے تین جنگجوؤں پر مشتمل ایک گروپ نے فدائین حملہ کردیا ہے۔
ٹریننگ سینٹر کے اندر طرفین کے مابین جاری تصادم آرائی کے دوران تاحال سی آر پی ایف کے 2 اہلکار ہلاک جبکہ 3 دیگر زخمی ہوگئے ہیں۔ تاہم ہلاکتوں کی سرکاری ذرائع کی طرف سے تصدیق نہ ہوسکی۔
انہوں نے بتایا کہ ہفتہ اور اتوار کی درمیانی رات کو قریب دو بجے 2 سے 3 جنگجوؤں پر مشتمل ایک گروپ نے گرینیڈ داغتے اور گولیاں برساتے ہوئے کیمپ کے اندر داخل ہونے میں کامیابی پائی۔
سرکاری ذرائع نے بتایا کہ زخمی اہلکاروں کو علاج ومعالجہ کے لئے اسپتال منتقل کیا گیا ہے۔ متعدد سیکورٹی فورس اہلکاروں کے زخمی ہونے کی اطلاعات ہیں جنہیں علاج ومعالجہ کے لئے فوجی اسپتالوں میں داخل کرایا گیا ہے۔
سرکاری ذرائع نے بتایا کہ ہفتہ اور اتوار کی درمیانی رات کو قریب دو بجے کم از کم 2 جنگجوؤں پر مشتمل ایک گروپ نے گرینیڈ داغتے اور گولیاں برساتے ہوئے کیمپ کے اندر داخل ہونے میں کامیابی پائی۔
انہوں نے بتایا کہ زخمی اہلکاروں کو علاج ومعالجہ کے لئے اسپتال منتقل کیا گیا ہے۔ ریاستی پولیس کے ایک عہدیدار نے بتایا کہ حملہ آوروں کا مقابلہ کرنے کی کاروائی میں فوج کی 50 راشٹریہ رائفلز ، 185 بٹالین سی آر پی ایف اور ریاستی پولیس کے اہلکاروں نے حصہ لیا۔
ایک رپورٹ کے مطابق سی آر پی ایف ٹریننگ سینٹر پر حملے کے تناظر میں جنوبی کشمیر اور گرمائی دارالحکومت سری نگر میں ہائی الرٹ جاری کیا گیا ہے جبکہ سڑکوں پر چوکسی بڑھائی گئی ہے۔
مذکورہ رپورٹ کے مطابق ضلع پلوامہ میں احتیاطی طور پر موبائیل انٹرنیٹ خدمات منقطع کی گئی ہیں۔