مرکز المعارف کو حکومت ِ آسام کی طرف سے اسکل ٹریننگ میں ممتاز تربیت گاہ کا اعزاز

ممبئی/گواہاٹی:(پریس ریلیز): پورے صوبے میں اسکل ٹریننگ میں ممتاز تربیت گا ہ  ہونے کی وجہ سےآسام کی مشہور رفاہی تنظیم مر کز المعارف کو  آج حکومت آسام نے دکشاتا گولڈ ایوارڈ سے نوازا ۔ یہ مشہور رفاہی تنظیم اجمل سی ایس آر  کی ایک یونٹ ہے ،جس  کو یہ  بڑی کامیابی “اسکل ڈیوپلمنٹ ٹریننگ” میں نمایاں کار کر دگی کی بنیاد پرملی ہے۔ واضح رہے کہ مرکز المعارف  یہ ٹریننگ   پروگرام” آسام اسٹیٹ رورل لائیولی ہوڈ مشن سوسائیٹی” کے تعاون سے چلاتاہے۔

 سی ای او اجمل سی ایس آراور دھوبڑی آسام سے لوک سبھا ایم پی مولانا بدرالدین اجمل  نے 1982 میں مرکزالمعارف قائم کیا تھا ،اسی ادارے کے ذریعہ ڈی ڈی یو جی کے پروجیکٹ کو بہترین انداز میں چلانے کی بنیاد پر ادارے کو حکومت کی جانب سےممتاز تربیتی ادارے کی شناخت ملی ہے۔ یاد رہے کہ ڈی ڈی یو جی کے پروجیکٹ چلانے والےپورے آسام میں اس طرح کے 55 ادارے ہیں ۔

مرکز المعارف نے اسکو ل اور کالجوں کی تعلیم ترک کر دینے والے اور بے روزگار نوجوانوں کے لئے اسکل ٹریننگ اینڈ پلیسمینٹ پروگرام کا آغاز 2015 میں ہی کیا تھا، اصول و ضوابط کی مکمل پابندی اور حکومت کی طرف سے دیے گئے ہدایات پر مکمل طورپر عمل کرتے ہوے ادارہ اب تک 888 نو جوان مرداور عورتوں کو تربیت دے چکاہے۔ ادارے سے تربیت حاصل کرنے والوں میں سے اکثر اب ملک کے مختلف علاقوں اور بیرون ملک میں بحسن خوبی پیشہ وارانہ خدمات انجام دے رہے ہیں ۔

حکومت کی طرف سے دئے گئے مقررہ وقت پر پروجیکٹ کی تکمیل اور معیاری تربیت کی فراہمی  کو دیکھتے ہوے آسام کی اس مشہور رفاہی تنظیم کو صوبائی حکومت کے ساتھ ساتھ مرکزی حکومت نے بھی سراہاہے۔منی رام دیوان ٹریڈ سینٹر گوہاٹی میں آج منعقد ایک پروقار تقریب میں آسام کے وزیر اعلی جناب سر وانند سونووال نے مرکز المعارف کو گولڈمڈل کے اعزاز سے نوازا ۔

جناب شمس الحق چودھری ( کارگزار صدر مرکز المعارف) نے ایوارڈ حاصل کر تے ہوے ادارے اور کارکنان کی طرف سے صوبائی اور مرکزی حکومت کا تہہ دل سے شکریہ اداکیا۔  اس موقع پر جناب خسرالاسلام ( جنرل سیکریٹری) جمال الدین( ڈپٹی منیجر) اور شاہجہاں علی( پروجیکٹ مینیجر) بھی موجود تھے۔

مرکز المعارف کو گولڈ مڈل اور بیسٹ سرٹیفیکیٹ کا اعزاز ملنے کےعلاوہ ادارے سے تربیت یافتہ محترمہ انیتا سائیکا ( ہاوڑا گھاٹ ٹرائیبل ڈسٹک آسام) کو بیسٹ ٹرینر کا ایوارڈ  بھی دیاگیا۔ محترمہ انیتاسائیکا مرکز المعارف سے تعلیم پانے کے بعد فی الحال کولکاتا میں بی پی او ایکزیکیوٹیو کے طورپر کام کررہی ہیں ۔ انہیں یہ اعزاز صوبہ آسام سے آئے ہزاروں مہمانوں کی  موجودگی میں وزیراعلی کے ہاتھوں ملا۔

ایم پی مولانا بدرالدین اجمل  اوربر پیٹا کےایم پی جنا ب سراج الدین اجمل (جوائنٹ سی ای او  جمل سی ایس آر)نے اسکل ٹریننگ میں عمدہ کارکردگی پیش کرنے کی بناپر مرکز المعارف کی ٹیم کی پزیرائی کی۔سراج الدین اجمل نے کہا کہ حکومت کی طرف سے یہ اعزاز  ہمارے کارکنان میں مزید ولولہ پیداکرنے کا باعث بنے گا، اور امید ہے کہ یہ مزید جذبہ اور لگن کے ساتھ کام کرینگے۔ انہوں نے اس موقع پر خداکاشکریہ اداکرتے ہوے کہا کہ اس مالک کا شکر ہےکہ اس نے ہمیں انسانیت کی خدمت کی توفیق دی ۔

یاد رہے کہ مرکز المعارف پورے ہندوستان  مین  اس طرح کےکئی پروجیکٹ چلاتاہے جن میں سے کچھ حکومت کے تعاون سے بھی چلتے ہیں ۔یہ تنظیم تعلیمی خدمات  کے علاوہ پچھڑے طبقوں کی سماجی و معاشی تعاون،  آفات سماویہ کے وقت امداد اور نو آابادکاری جیسے خدمات بھی انجام دیتاہے۔  یہ ادارہ سیتیس انگلش میڈیم اسکول چھ یتیم خانوں کے علاوہ شمال مشرق اور ہندوستان کے اہم علاقوں میں کئی اور رفاہی،تعلیمی اورسماجی پروجیکٹ بھی چلاتاہے۔