سوشیل ڈیموکریٹک پارٹی آف انڈیا

جئے پور۔(پریس ریلیز)۔ سوشیل ڈیموکریٹک پارٹی آف انڈیا (ایس ڈی پی آئی) راجستھان نے آج جئے پور پنک سٹی پریس کلب میں ایک پریس کانفرنس کا انعقاد کرکے اعلان کیا کہ کسانوں کی حمایت میں پارٹی کی جانب سے ریاست بھر میں 16تا 21دسمبر2020کسان بچاؤ آندولن چلا یا جائے گا۔ اس مہم کے دوران پارٹی ریاست بھر میں ‘کسان چوپال ‘، دھرنا، کینڈل مارچ اور ریالیوں کے ذریعے کسانوں کے مانگوں کی حمایت کرے گی۔ پریس کانفرنس سے خطاب کرتے ہوئے ایس ڈی پی آئی ریاستی صدرمحمد رضوان خان نے کہا کہ مرکزی مودی حکومت زرعی قوانین کے ذریعے ملک کے کسانوں کا مستقبل کچھ کارپوریٹس گھرانوں کے حوالے کردینا چاہتی ہے۔ ان قوانین سے سرکاری منڈیوں کو کمزور کرکے نجی منڈیوں کو مضبوط کرنے کیلئے سرکار بھر پور کوشش کررہی ہے۔ جس کی وجہ سے ایک دن ایسا آجائے گا کہ کسان کو اپنی فصل اونے پونے داموں پر کارپوریٹس گھرانوں کے مالکوں کو بیچنے کیلئے مجبور ہونا پڑے گااور کسانوں سے ان کی فصل کی زمین بھی ا ن کے ہاتھ سے نکل جائے گی۔ اگر حکومت کی نیت کسانوں کا بھلا کرنا ہوتا تو کم از کم سپورٹ پرائز دینے کا قانون بناتی اور کم از کم سپورٹ پرائز سے کم خریدنے پر سزا دینے کا قانون بناتی لیکن حکومت کی نیت میں ہی کھوٹ ہے اس لئے کسانوں کے مانگوں کے باوجود ایم ایس پی پر خرید کا قانون بنانے کو تیار نہیں ہے۔ حکومت نے جو قانون بنایا ہے اس میں کارپورٹیس گھرانوں کو فصلوں کی ذخیزہ اندوزی کا اختیار دیا گیاہے۔ اگر ان تینوں نئے زرعی قوانین کو لاگو کردیا گیا تو ایک وقت ایسا آئے گا کے کسانوں سے ان کی پیداوار کو سستے داموں میں خرید کر کارپوریٹس گھرانے پہلے مارکیٹ میں ضروری اشیاء کی کمی پیدا کرینگے اور اس کے بعد من چاہے قیمت پر ان فصلوں کو بیچیں گے۔ اس سے نہ صرف کالابازاری بڑھے گی بلکہ مہنگائی آسمان چھونے لگے گی۔ کسان ہی نہیں بلکہ ملک کے 90فیصدی لوگوں کیلئے اپنا گھر چلانا مشکل ہوجائے گا۔ محمد رضوان خان نے مزید کہا کہ ایس ڈی پی آئی کا ماننا ہے کہ مذکورہ زرعی قوانین ملک کے زرعی شعبے کو کچھ چنندہ لوگوں کے حوالے کرنے کی ایک سازش کا حصہ ہے۔ یہ قوانین نہ صرف کسان مخالف ہیں بلکہ ملک کے غریب عوام کے خلاف بھی ہیں۔ اس کے علاوہ ایس ڈی پی آئی ریاست کے کانگریس حکومت سے بھی مانگ کرتی ہے کہ وہ بھی کسان مخالف پالیسیوں سے باز آئے۔ زراعت کیلئے کسانوں کو دیئے جانے والی بجلی قیمتوں میں کٹوتی کرے اور دوسرے ریاستوں سے سیکھ لے جہاں کسانوں کو مفت بجلی کنشکن اور مفت بجلی دی جارہی ہے۔ ایس ڈی پی آئی کسی بھی صورت میں کسانوں کو برباد کرنے کی بی جے پی کی سازش کامیاب ہونے نہیں دیگی اور کسانوں کو انصاف ملنے اور زرعی قوانین کو واپس لینے تک اپنی جدوجہد جاری رکھے گی۔ پریس کانفرنس میں ایس ڈی پی آئی کی کسان بچاؤ آندولن مہم کے پوسٹر کا بھی اجراء کیا گیا۔ اس پریس کانفرنس میں ایس ڈی پی آئی ریاستی صدر محمد رضوان خان کے ہمراہ ایس ڈی پی آئی قومی سکریٹری محترمہ یاسمین فاروقی، ریاستی نائب صدر گروجنت سنگھ، ریاستی جنرل سکریٹری اشفاق حسین، ریاستی سکریٹری ڈاکٹر شہاب الدین، ریاستی ورکنگ کمیٹی رکن زاہد مرزا اور ضلعی صدر خالد منظور موجود رہے۔