نئی دہلی:( خاص رپورٹ)
اترپردیش میں ان دنوں آیا رام گیا رام چل رہا ہے، بعض واقعات منصوبہ بند ہوتے ہیں مگر ان کو چھاپے ماری کے تناظر میں دکھایا جاتا ہے۔ عام آدمی اس کھیل کو نہیں جان پاتا۔
ذرائع کے مطابق بی جے پی ملائم سنگھ کی چھوٹی بہو ارپنا یادو کو اپنے پالے میں لارہی ہے اور اس سلسلہ میں ملائم سنگھ کی رضامندی بھی لے لی گئی ہے اگر آخری وقت میں کوئی پینچ نہیں پھنسا تو یہ انٹری آج کل میں ہوجائے گی۔ ملائم سنگھ کے بی جے پی سے بہت خوشگوار رشتے ہیں یہ سب جانتے ہیں ۔انہوں نے لوک سبھا میں تقریر کے دوران مودی کو دوبارہ پی ایم بننے کی آرزو کی تھی ۔جہاں تک ارپنا کا تعلق ہے وہ یوگی اور مودی کی پرانی بھکت ہیں۔ رام مندر کے لیے گیارہ لاکھ گیارہ ہزار چندہ دیا تھا۔ وہیں جب ہوسبو لے کو سنگھ کا جوائنٹ جنرل سکریٹری بنایا گیا تو ان کے ساتھ اپنی تصویر سوشل میڈیا پر شیئر کی تھی ،وہ ملائم سنگھ کی دوسری بیوی سادھنا گپتا کے بیٹے پرتیک یادو کی بیوی ہیں ۔ واضح رہے ملائم جی کے سمدھی پہلے ہی بی جے پی میں لے لیے گئے ہیں۔
