دنیا کا مہنگا ترین کاروباری سودا، ایلون مسک نے 44 ارب ڈالرز میں ٹویٹر خرید لیا

musk-twitter
دنیا کی مہنگی ترین کاروباری ڈیل گزشتہ روز فائنل ہوئی ہے جس کے نتیجے میںبرقی گاڑیاں بنانے والی امریکی کمپنی ٹیسلا اور خلائی کمپنی اسپیس ایکس کے سربراہ ایلون مسک نے مائیکرو بلاگنگ ویب سائٹ ٹویٹر کو تقریباً 44 ارب ڈالرز میں خریدنے کا معاہدہ کرلیا ہے۔ یہ رقم پاکستان کے سالانہ بجٹ اور ملک کے مجموعی قرضوں کے تقریباً برابر ہے۔
رپورٹس کے مطابق مطابق ایلون مسک ٹویٹر کی خریداری کے لیے54.20 ڈالر فی شیئر کے حساب سے نقد رقم ادا کریں گے اور اس طرح وہ ٹویٹر کے واحد شیئر ہولڈر بن جائیں گے ۔ یہ دنیا بھر میںاب تک کسی بھی پرائیویٹ کمپنی کو خریدنے کا سب سے بڑا سودا ہے۔ رپورٹس کے مطابق اس خبر کے بعد ٹوئٹر کے شیئرز میں تقریباً 6 فیصد اضافہ ہوگیا ہے۔
 اس ڈیل کے فائنل ہونے کے بعد ایلون مسک کا کہنا تھا کہ آزادی اظہار ایک فعال جمہوریت کی بنیاد ہے اور ٹویٹر ڈیجیٹل پلیٹ فارم ہے جہاں مستقبل کے  اہم معاملات پر بحث کی جاتی ہے۔انھوں نے صارفین کے لیے ٹویٹر کے نئے فیچرز متعارف کروانے کا اعلان بھی کیا ہے۔یاد رہے کہ اپریل کے آغاز میں ایلون مسک نے ٹویٹر کے3 ارب ڈالرز مالیت کے تقریباً 7 کروڑ 34 شیئرز (9.2فیصد) خریدے تھے جس کے بعد وہ ٹویٹر کے سب سے بڑے شیئر ہولڈر بن گئے تھے۔

Leave a Reply

Your email address will not be published. Required fields are marked *


ہمارے بارے میں

www.maeeshat.in پر ہم اقلیتوں خصوصا  مسلم دنیا میں کاروبار کو متعارف کرانے اور فروغ دینے کا ارادہ رکھتے ہیں جو حلال اور حرام کے حوالے سے اپنے آپ کو ممتاز کرتے ہیں۔ شروع سے ہی اس جریدے/ویب سائٹ نے مسلمان صنعت کاروں اور تاجروں کو قائل کیا ہے کہ وہ ہندوستانی معیشت کو مضبوط بنائیں اور دوسرے کارپوریٹ کے ساتھ اپنے تعلقات کو مزید فروغ دیں۔


CONTACT US

CALL US ANYTIME




نیوز لیٹر