گوہاٹی: وزیر اعظم نریندر مودی آسام کے دیفو میں ایک ریلی سے خطاب کیا۔ اس سے پہلے وزیر اعظم نریندر مودی نے کئی اسکیموں کا سنگ بنیاد رکھا جن میں کاربی انگلونگ میں مانجا ویٹرنری کالج، ویسٹ کاربی انگلونگ زرعی کالج، امپانی ویسٹ کاربی انگلونگ گورنمنٹ کالج شامل ہیں۔

پی ایم مودی نے کہا کہ کاربی انگلونگ بھی آزادی کے امرت مہوتسو کے دوران امن اور ترقی کے نئے مستقبل کی طرف بڑھ رہا ہے۔ اب یہاں سے ہمیں پیچھے مڑ کر نہیں دیکھنا پڑے گا۔ آنے والے چند سالوں میں ہمیں اس ترقی کی تلافی کرنی ہے جو ہم گزشتہ دہائیوں میں نہیں کر سکے۔

اب آسام میں 38 فیصد زیادہ خاندانوں کو پائپ سے پانی مل رہا ہے۔ پی ایم مودی نے کہا کہ جل جیون مشن شروع ہونے سے پہلے، 2 فیصد سے بھی کم گاوں میں پائپ کے ذریعے اپنے گھروں تک پانی پہنچایا جاتا تھا، جب کہ اب 40 فیصد گھرانوں میں پائپ سے پانی پہنچ گیا ہے۔

مجھے یقین ہے کہ جلد از جلد آسام کے ہر گھر کو پائپ سے پانی ملے گا۔ قوم کے لیے ریاست، ریاست کے لیے شہر، شہر کے لیے گاؤں کی ترقی ضروری ہے۔

پی ایم مودی نے کہا کہ قوم کی ترقی، ریاست کی کی ترقی کے لیے شہروں اور گاؤں کی ترقی بہت ضروری ہے۔ دیہات کی صحیح ترقی اسی وقت ممکن ہے جب ترقیاتی منصوبے مقامی ضروریات، مقامی حالات کے مطابق بنائے جائیں اور ان پر صحیح طریقے سے عمل درآمد کیا جائے۔