ایک سال میں 51ہزار سرکاری اسکول بند،پرائیوٹ کی تعداد میں اضافہ

schools-closed-in-one-year

نئی دہلی (ایجنسی)

محکمہ اسکولی تعلیم کی یونٹ یو ڈی آئی ایس ای کی ایک رپورٹ میں انکشاف ہوا ہے کہ ملک بھر میں سرکاری اسکولوں کی تعداد 19-2018 کے مقابلے 20-2019 میں ہزاروں کی تعداد میں کم ہوئی ہے۔ رپورٹ کے مطابق سرکاری اسکولوں کی تعداد سال 19-2018 میں 10 لاکھ 83 ہزار 678 تھی، جو سال 20-2019 میں کم ہو کر 10 لاکھ 32 ہزار 570 ہو گئی۔ اس طرح ایک سال میں ملک بھر میں 51 ہزار 108 سرکاری اسکولوں پر تالا لٹک گیا۔

 

 

 

دوسری طرف پرائیویٹ اسکولوں کی تعداد میں زبردست اضافہ درج کیا گیا ہے۔ یو ڈی آئی ایس ای کی رپورٹ میں بتایا گیا ہے کہ ملک بھر میں پرائیویٹ اسکولوں کی تعداد 19-2018 میں 3 لاکھ 25 ہزار 760 تھی، جو اب 3 لاکھ 37 ہزار 499 ہو گئی ہے۔ اس طرح دیکھا جائے تو پرائیویٹ اسکول کی تعداد میں 3.6 فیصد کا اضافہ درج ہوا ہے۔ قابل ذکر بات یہ ہے کہ گزشتہ ہفتے 21-2020 کے جو اعداد و شمار جاری ہوئے ہیں اس میں سرکاری اسکولوں کی تعداد میں ایک بار پھر گراوٹ دیکھنے کو ملی ہے۔ یہ تعداد اب 10 لاکھ 32 ہزار 49 ہو گئی ہے۔ اس کمی کی وجہ کورونا وبا مانی جا رہی ہے۔

Leave a Reply

Your email address will not be published. Required fields are marked *


ہمارے بارے میں

www.maeeshat.in پر ہم اقلیتوں خصوصا  مسلم دنیا میں کاروبار کو متعارف کرانے اور فروغ دینے کا ارادہ رکھتے ہیں جو حلال اور حرام کے حوالے سے اپنے آپ کو ممتاز کرتے ہیں۔ شروع سے ہی اس جریدے/ویب سائٹ نے مسلمان صنعت کاروں اور تاجروں کو قائل کیا ہے کہ وہ ہندوستانی معیشت کو مضبوط بنائیں اور دوسرے کارپوریٹ کے ساتھ اپنے تعلقات کو مزید فروغ دیں۔


CONTACT US

CALL US ANYTIME




نیوز لیٹر