نئی دہلی : انڈین ریلوے کیٹرنگ اینڈ ٹورازم کارپوریشن لمیٹڈ یعنی آئی آر سی ٹی سی نے دسمبر سہ ماہی کے نتائج جاری کیے ہیں۔ ریلوے کمپنی نے ۱۷۵؍؍ فیصد فی حصص کے ڈیویڈنڈ کا بھی اعلان کیا ہے ۔ ڈیویڈنڈ کی ریکارڈ تاریخ ۲۲؍ فروری مقرر کی گئی ہے۔ تیسری سہ ماہی میں کمپنی کا نتیجہ بھی متاثر کن رہا ہے۔ منافع میں ۲۲ء۳؍ فیصد اور آمدنی میں تقریباً ۷۰؍ فیصد کا اضافہ ہوا ہے۔ نتیجہ کے بعد اس اسٹاک میں تقریباً ڈیڑھ فیصد کا اضافہ ہے۔ یہ اسٹاک روپے ۶۵۰؍ کی سطح پر ٹریڈ کر رہا ہے۔
بمبئی اسٹاک ایکسچینج ویب سائٹ پر دستیاب معلومات کے مطابق، آئی آر سی ٹی سی نے ۲؍ روپے کی قیمت کی بنیاد پر ۱۷۵؍فیصد یعنی ساڑھے تین روپے فی شیئر کا عبوری ڈیویڈنڈ اعلان کیا ہے۔ بورڈ آف ڈائریکٹرز نے 22 فروری کو ریکارڈ تاریخ مقرر کیا ہے، جبکہ ڈیویڈنڈ کی رقم اگلے ۳۰؍ دنوں میں ادا کر دی جائے گی۔ موجودہ مالی سال یعنی ۲۳۔۲۰۲۲ء کے لیے کمپنی نے پہلا منافع اگست میں جاری کیا تھا۔ اس وقت ۱ء۵؍ روپے فی حصص یعنی ۷۵؍ فیصد کے حتمی منافع کا اعلان کیا گیا تھا۔ کیلنڈر سال ۲۰۲۲ء میں پہلا ڈیویڈنڈ فروری میں جاری کیا گیا تھا۔ کمپنی نے روپے کا عبوری ڈیویڈنڈ جاری کیا تھا۔ کمپنی فروری ۲۰۲۰ء میں درج ہوئی تھی۔ اب تک کمپنی نے کل بار ڈیویڈنڈ دیا ہے ۔
دسمبر سہ ماہی کے نتائج کے بارے میں بات کرتے ہوئے خالص منافع میں ۲۲؍فیصد کا اضافہ ہوا ہے ۔ اور یہ ۲۰۸؍کروڑروپے کے مقابلے میں۲۵۵؍کروڑ روپے ہوگیا۔ آمدنی میں ۶۹؍فیصد اضافہ ریکارڈ کیا گیا ہے۔ یہ ۵۴؍کروڑ روپے سے بڑھ کر ۹۱۸؍ کروڑ روپے ہو گیا ۔ نتائج کے اعلان کے بعد آئی آر سی ٹی کے شیئروں کی قیمت میں ایک فیصد کا ضافہ ہوا۔ ۔ یہ اسٹاک فی الحال ۶۵۰؍روپے کی سطح پر ہے۵۲؍ہفتے کی بلند ترین قیمت ۸۶۸؍روپے ہے اور ۵۲؍ہفتے کی کم ترین قیمت ۵۵۷؍روپے ہے ۔ پچھلے تین مہینوں میں اس اسٹاک میں تقریباً ۱۵؍فیصد گرا ہے۔