ممبئی ہندوستانی اسٹاک مارکیٹ سے غیر ملکی سرمایہ کاروں کا انخلا بلا روک ٹوک جاری ہے۔ رپورٹس کے مطابق،غیر ملکی سرمایہ کار یعنی فارن پورٹ فولیو انویسٹرس ( ایف پی آئی ) نے اس ماہ فروری میں اب تک ۹؍ہزار ۶۰۰؍ کروڑ روپے سے زیادہ نکالا ہے۔ ماہرین کا کہنا ہے کہ دیگر ابھرتی ہوئی منڈیوں کے مقابلے ہندوستانی ایکویٹی مارکیٹ کی زیادہ قیمتوں کو دیکھتے ہوئے غیر ملکی سرمایہ کار انخلا کر رہے ہیں۔
اعداد و شمار کے مطابق غیر ملکی سرمایہ کاروں نے جنوری میں ۲۸؍ہزار ۸۲۵؍کروڑ روپے نکالے تھے یہ پچھلے سات مہینوں میں غیر ملکی سرمایہ کاروں کے ذریعے نکالے جانے والی سب سے بڑی رقم تھی۔ یکم فروری سے لے کر ۱۰؍فروری کے درمیان ۹؍ہزرا ۶۷۲؍کروڑروپے نکالے جاچکے ہیں۔
غیر ملکی سرمایہ کاروں نے ہندوستانی بازار میں دسمبر ۲۰۲۲ء میں ۱۱؍ہزار ۱۱۹؍کروڑروپے اور نومبر ۳۶؍ہزار ۲۳۸؍ کروڑ روپے کی خالص سرمایہ کاری کی۔ کوٹک سیکیورٹیز کے شری کانت چوہان کا کہنا ہے کہ مرکزی بینکوں کی جانب سے شرح سود میں اضافہ جاری رکھنے کی وجہ سے ایف پی آئی کی جانب سے انخلا مزید جاری رہنے کی توقع ہے۔ دوسری طرف، مارننگ اسٹار انڈیا کے شریک ڈائریکٹر ہمانشو سریواستو نے کہا، جب تک اڈانی کیس پر مزید وضاحت نہیں ہو جاتی، مارکیٹ میں مزید استحکام اور FPIs میں بہتری کے مزید ٹھوس آثار نظر آنے تک سرمایہ نکالنے کا یہ رجحان جاری رہے گا۔ معیشت آو انہوں نے کہا کہ ہندوستانی منڈیوں کی نسبتاً زیادہ قدر بھی غیر ملکی سرمایہ کے اس انخلاء کی ایک بڑی وجہ ہے۔