نئی دہلی : جنوری ۲۰۲۳ء میں مسافر گاڑیوں (پی وی) کی تھوک فروخت ۱۷؍فیصد بڑھ رک ۲؍لاکھ ۹۸؍ہزار ۹۳؍ گاڑیوںکی اب تک کی بلند ترین سطح پر پہنچ گئی۔ اسپورٹس یوٹیلیٹی وہیکلز(ایس یو وی) سمیت دیگر یوٹیلیٹی گاڑیوں کی تیزی سے بڑھتی ہوئی مانگ کی وجہ سے گزشتہ ماہ مسافر گاڑیوں کی مجموعی فروخت میں اضافہ ہوا۔ جنوری ۲۰۲۲ء میں ڈیلرز کو ۲؍لاکھ ۵۴؍ہزار ۲۸۷؍ مسافر گاڑیاں فراہم کی گئیں۔
سوسائٹی آف انڈین آٹوموبائل مینوفیکچررز کے پیر کو جاری کردہ اعداد و شمار کے مطابق، جنوری ۲۰۲۳ءمیں یوٹیلٹی گاڑیوں کی فروخت ۲۷؍فیصد بڑھ کر ایک لاکھ ۴۹؍ہزار ۳۲۸؍ گاڑیوں تک پہنچ گئی۔ یہ پچھلے سال کےمقابلے تقریباً ۳۲؍ہزار زیادہ ہے۔ اس مدت کے دوران مسافر گاڑیوں کی فروخت سال بہ سال ۱۷؍فیصد بڑھ رہی ہے
سیام کے صدر ونود اگروال نے کہا کہ صارفین کی بہتر سوچ کی وجہ سے مسافر گاڑیوں کی مانگ بڑھ رہی ہے۔ اسی وقت، تنظیم کے ڈائریکٹر جنرل راجیش مینن نے کہا، اپریل ۲۰۲۲ء سے اس سال جنوری تک،یعنی ۱۰؍ماہ کے عرصے میں، مسافر گاڑیوں کی فروخت کا اعداد و شمار ۳۰؍لاکھ یونٹس کو عبور کر گیا ہے۔
گھریلو مارکیٹ میں تجارتی گاڑیوں کی فروخت ۲۴۔۲۰۲۳ءمیں سالانہ بنیادوں پر ۹؍سے ۱۱؍ فیصد بڑھ سکتی ہے۔ ریٹنگ ایجنسی کرسیل نے یہ اندازہ معیشت کی شرح نمو تقریبا ۶؍فیصد کی بنیاد پر لگایا ہے۔ ایجنسی نے کہا کہ درمیانی اور بھاری تجارتی گاڑیوں کی فروخت سے تجارتی گاڑیوں کی مارکیٹ کو فروغ ملے گا۔ انفراسٹرکچر پر خرچ کرنے سے مدد ملے گی۔