نئی دہلی : اڈانی ہنڈن برگکیس میں سپریم کورٹ نے آج ایک کمیٹی تشکیل دی ہے۔ یہ کمیٹی ۶؍ارکان پر مشتمل ہوگی۔ عدالت نے اس کمیٹی کو ۲؍ ماہ میں رپورٹ پیش کرنے کو کہا ہے۔ سپریم کورٹ نے حصص کی قیمتوں میں شدید گراوٹ پر تشویش کا اظہار کرتے ہوئے کمیٹی تشکیل دے دی۔ یہ کمیٹی سپریم کورٹ کے کئی سوالوں کے جواب تلاش کرے گی۔ جانئے یہ سوالات کیا ہیں۔
پہلا سوال
: موجودہ حالات کیا ہیں اور وہ کون سی وجوہات تھیں جن کی وجہ سے حصص میں اتنی کمی آئی؟
دوسرا سوال: سرمایہ کاروں کی آگاہی بڑھانے کے لیے کیا اقدامات کیے جائیں۔
تیسرا سوال: کیا اڈانی گروپ یا کسی اور کمپنی سے متعلق کیس میں سسٹم کی خرابی ہوئی ہے؟
چوتھا سوال: قواعد سے متعلق فریم ورک کو کیسے مضبوط کیا جا سکتا ہے؟
پانچواں سوال: کیا ۲۵؍ فیصد پبلک شیئر ہولڈنگ کے قوانین کی خلاف ورزی ہوئی ہے؟
چھٹا سوال: کیا اسٹاک کی قیمتوں کو من مانی کنٹرول کیا گیا ہے؟
سپریم کورٹ کا کیا حکم ہے؟
سپریم کورٹ نے کہا ہے کہ سیبی اس پورے معاملے کی جانچ کرے گا اور سیبی سمیت دیگر تحقیقاتی ایجنسیاں اس ماہر پینل کی مدد کریں گی۔ اس کمیٹی میں کے وی کامتھ، نندن نیلیکانی، او پی بھٹ، جے پی دیو دت اور سوما شیکھر سندریسن شامل ہوں گے، اس پینل کی سربراہی سپریم کورٹ کے سابق جسٹس ابھے منوہر سپرے کریں گے۔