شارق عظمت ابن قاری جاوید اقبال کے حافظ بننے پر دعائیہ تقریب کا انعقاد
کشن گنج 10/ نومبر (پریس ریلیز) مدرسہ دار ارقم روحی ٹولہ پہاڑ کٹہ کی مسجد میں علمائے کرام کی آمد پر دعائیہ تقریب کا انعقاد عمل میں آیا۔ قاری جاوید اقبال جنرل سکریٹری جمعیۃ علماء پوٹھیا بلاک کے فرزند ارجمند شارق عظمت سلمہ نے بہت کم عرصے میں حفظ قرآن مجید مکمل کرلیا ہے جس سے ان کے اہل خانہ و محلہ والوں میں خوشی کا ماحول ہے، چند روز قبل قاری جاوید اقبال نے اپنے فرزند حافظ شارق عظمت کا حفظ مکمل ہونے پر علمائے کرام کی ایک مجلس کا انعقاد کیا تھا جس میں ضلع کے معروف عالم دین مولانا مفتی صبیح اختر شیخ الحدیث جامعہ جلالیہ ہوجائی آسام نے شرکت کی تھی، جبکہ گذشتہ شب مولانا شمیم ریاض ندوی محرک مجلس علمائے ملت، مولانا عبدالوکیل قاسمی، مولانا عبدالواحد بخاری اور ابرار بھائی نے قاری جاوید اقبال صاحب کے دولت کدہ پر پہنچ کر انہیں مبارکباد پیش کی اور بچے کی حوصلہ افزائی کا فریضہ انجام دیا۔ مولانا عبدالوکیل قاسمی اور مولانا ابو سالک ندوی ڈائریکٹر اقصٰی ایڈورٹائزنگ کشن گنج نے نشان یادگار کے ذریعے حافظ محمد شارق عظمت کو اعزاز بخشا۔ اس موقع پر مدرسہ دار ارقم روحی ٹولہ پہاڑ کٹہ کی مسجد میں ایک دعائیہ تقریب کا انعقاد عمل میں آیا جس میں ان علمائے کرام نے اپنے تاثرات کا اظہار کیا۔ مولانا شمیم ریاض ندوی نے کہا کہ قاری جاوید اقبال ایک متحرک اور قومی و ملی افکار کے حامل انسان ہیں، ان کے کاموں سے لوگ انہیں جانتے اور پہچانتے ہیں، پورا ضلع ان کی خدمات کامعترف ہے، ماشاء اللہ! مدرسہ دار ارقم کی عالیشان مسجد اور تھوڑے وقت میں تعلیم کے اتنے بہتر انتظام کو دیکھ کر دل سے دعائیں نکلیں۔ اللہ پاک اس ادارے کو دن دونی رات چوگنی ترقی عطا فرمائے۔ آمین!