بروکر کے ذریعے فون یا انٹرنیٹ پر ہی حصص کی خرید و فروخت کی جاسکتی ہے بس اس کے لئے آپ کو فیصلہ کرنا پڑتا ہے کہ کس قسم کا بروکر آپ کو چاہئے
درست وقت پر درست سرمایہ کاری ہی کامیاب سرمایہ کاری نہیں ہے بلکہ بہترین اور انتہائی کم لاگتوں کے ساتھ سرمایہ کاری کو بہترین سرمایہ کاری کہا جائے تو بے جا نہ ہوگا۔
حصص میں پیسہ لگانا:
حصص میں پیسہ لگانا اب دقت طلب اور پیچیدہ نہیں رہا ہے آجکل تو اپنے بروکر کے ذریعے فون یا انٹرنیٹ پر ہی حصص کی خرید و فروخت کرسکتے ہیں بس اس کے لئے آپ کو فیصلہ کرنا پڑتا ہے کہ کس قسم کا بروکر آپ کو چاہئے اگر آپ کو یہ بھی جاننا ہے کہ کون سے حصص خریدے یا بیچے جائیں تو اس کے لئے آپ کو سرمایہ کاری کی مکمل مشاورتی خدمات حاصل کرنی ہوںگی جس کے تحت آپ کو بروکر آپ کی مالی استعداد اور سرمایہ کاری کے مقاصد کو ذہن میں رکھتے ہوئے خرید و فروخت کے لئے حصص کی نشاندہی کرے گا ،آپ کی سرمایہ کاری کی نگرانی کرے گا اور اس میں رد و بدل کا بھی مشورہ دیتا رہے گا۔
کچھ سرمایہ کار اپنے بروکر کو یہ بھی اختیار دے دیتے ہیں کہ فلاں قیمت پر پہنچنے پر فلاں فلاں حصص ان سے پوچھے بناء فروخت کردے یا مارکیٹ سے انہیں خرید لے ایسی خدمات کو صوابدیدی بروکریج کہتے ہیں اور یہ کچھ مہنگی بھی ہوتی ہے
آج کل بہت سے لوگ حصص میں پیسہ لگانے کے لئے اپنے طور پر ریسرچ کرنے کے لئے تیار رہتے ہیں اگر آپ بھی ریسرچ اپنے طور پر کرسکتے ہیں تو آپ کو پھر صرف حصص کی خرید و فروخت بروکر کے ذریعے کرنی ہوگی کیونکہ خرید و فروخت براہ راست نہیں کی جاسکتی ہے جبکہ خرید وفروخت کا فریضہ سر انجام دینے والے بروکرز آپ کو سرمایہ کاری کا مشورہ نہیں دے سکتے ہیں اس کا یہ مطلب بھی نہیں کہ نفع بخش سرمایہ کاری کے لئے ایسے بروکر اپنے کلائنٹس کو کچھ بھی فراہم نہیں کرتے ہیں بلکہ بروکرز خاص طور پر بڑے بروکرز اپنے کرم فرماؤں کو مختلف قسم کی تحقیق اور دیگر رہنمائی فراہم کرتے رہتے ہیں تاہم آپ ان کے یہ مشورے ماننے کے کسی بھی طرح پابند نہیں ہوتے ہیں
درست بروکر کی خدمات کے حصول کا دارومدار کافی حد تک آپ کی سرمایہ کاری کے مقاصد پر ہوتا ہے اور وہ چارنکات ہیں جنہیں آپ کو بروکر کی تقرری کے وقت ذہن میں رکھنا چاہئے۔
پہلا معیار معلومات، دوسرا خرید و فروخت کی تیزی سے تکمیل، تیسرا دستیابی اور چوتھا لاگت۔ عام طور پر آپ کا بروکر جتنی اچھی معلومات آپ کو فراہم کرے گا اتنی ہی زیادہ آپ اس کو فیس دیں گے۔ آپ کسی بھی حصص کی خرید و فروخت کا آرڈر تو بذریعہ فون دے سکتے ہیں لیکن خرید و فروخت کی تکمیل میں کچھ وقت لگ سکتا ہے قانون کے حساب سے خرید وفروخت کے تمام سودے دو دن کے اندر اندر پایہ تکمیل تک پہنچ جانے چاہئیں جسے ٹی پلس ٹو بھی کہتے ہیں سودوں کے برقی نظام کے آنے کے بعد اب سودے کافی تیزی سے پایہ تکمیل تک پہنچ جاتے ہیں
فنڈز کی خریداری:
فنڈز کی خریداری کے دو ذرائع ہیں ایک مالیاتی مشیر کے ذریعے اور دوسرا میوچول فنڈ کمپنی کے ذریعے۔اگر آپ فنڈز کے انتخاب میں رہنمائی چاہتے ہیں تو اس ضمن میں مالیاتی مشیر آپ کی مالیاتی استعداد اور سرمایہ کاری کے مقاصد کی روشنی میں آپ کے لئے مارکیٹ میں موجود فنڈز تجویز کرے گا۔ کچھ مشیر اس کام کی فیس لیتے ہیں جبکہ کچھ خریدے جانے والے فنڈز کی کمپنیوں سے کمیشن حاصل کرتے ہیں
بانڈز کی خریداری
آپ حکومت کی جانب سے جاری کردہ بانڈز خرید سکتے ہیں ۔ جنہیں تجاری بینک یا اسٹاک بروکر کے ذریعے خریدا جاسکتا ہے۔
کارپوریٹ بانڈز صرف اسٹاک بروکر کے ذریعے خریدے جاسکتے ہیں
سرمایہ کاری کی دیگر مصنوعات کی خریداری
اگر آپ سرمایہ کاری میں نت نئے تجربے کرنے پر یقین رکھتے ہیں تو آپ دیگر مصنوعات جیسا کہ ایکسچینج ٹریڈیڈ فنڈز اور ڈیری ویٹو پروڈکٹس خرید سکتے ہیں یہ بھی اسٹاک بروکر کے ذریعے خریدی جاتی ہیں جبکہ ایسی مصنوعات میں پیسہ لگانے کی لاگت اتنی ہی ہوتی ہے جتنی کی حصص کی خریداری پر آپ بروکر کو فیس ادا کرتے ہیں۔بہ