24 گھنٹے بجلی دینے کا وعدہ
نئی دہلی، 10 جولائی (یو این بی): مودی حکومت کے پہلے بجٹ میں سبھی کو 24 گھنٹے بجلی دینے کی بات کہی گئی ہے۔ وزیر مالیات ارون جیٹلی نے اپنی پہلی بجٹ تقریر میں کہا کہ ملک کے عوام کو 24 گھنٹے بجلی فراہم کی جائے گی۔ انھوں نے کہا کہ اس کے لیے گائوں میں دین دیال جیوتی منصوبہ نافذ کیا جا رہا ہے جس کے لیے 500 کروڑ روپے منظور کیے گئے ہیں۔ یہ رقم گائوں میں بجلی پہنچانے کے لیے دیا جائے گا۔ واضح رہے کہ وزیر اعظم مودی نے پہلے ہی کہا تھا کہ وہ ملک میں بجلی فراہمی پر زور دیں گے اور اس کے لیے توانائی کے متبادل وسائل کا بھی استعمال کریں گے۔