Maeeshat – معیشت

نئی دہلی:(ایجنسی) ریزرویشن پر دوبارہ غور کے لئے ایک کمیٹی بنائے جانے سے متعلق آر ایس ایس سربراہ موہن بھاگوت کے بیان سے بی جے پی نے خود کو الگ کر لیا ہے. پارٹی نے آج کہا کہ وہ ایس سی ،ایس ٹی  اوردیگر پسماندہ طبقات کے ریزرویشن کے حقوق کی سو فیصد احترام کرتی ہے. اس کے ساتھ ہی انہوں نے کہا کہ ریزرویشن کے معاملے پر دوبارہ غور کرنے کی کوئی ضرورت نہیں ہے اور نہ ہی بی جے پی ایسے کسی مطالبے کی حمایت کرتی ہے. جبکہ آر ایس ایس نے اپنی صفائی میں کہا ہے کہ بھاگوت کے بیان کا غلط مطلب نکالا گیا ہے. تنظیم کا کہنا ہے کہ ریزرویشن کا فائدہ غریب کو ملنا چاہئے. یہ بیان گجرات میں پٹیل کمیونٹی کی طرف سے ریزرویشن کے لئے چلائے جا رہے تحریک کے تناظر میں دیا گیا تھا

بی جے پی ریزرویشن پر نظر ثانی کے حق میں نہیں 
بی جے پی کے سینئر لیڈر اور مرکزی وزیر روی شنکر پرساد نے پارٹی ہیڈ کوارٹر میں بلائے گئے پریس کانفرنس میں کہا، ‘جن سنگھ کے وقت سے بی جے پی پر عزم رہی ہے کہ سماجی اور اقتصادی ترقی اور با اختیار بنانے کے لئےایس سی ایس ،ایس ٹی اور انتہائی پسماندہ طبقوں کے لئے ریزرویشن ضروری ہے. بی جے پی ان طبقوں کو دیے گئے ریزرویشن پر کسی طرح کی نظر ثانی کے حق میں نہیں ہے

پرساد نے کہا کہ اس بات پر بحث کا استقبال ہے کہ غریبوں اور ایسے پسماندہ طبقوں میں جو ہمہ جہت ترقی کے فوائد حاصل کرنے سے محروم رہ گئے ہیں، ان کے لئے اور کیا کیا جا سکتا ہے. انہوں نے تاہم کہا کہ بی جے پی موجودہ تمام تحفظات کو جاری رکھنے کے حق میں ہے. انہوں نے کہا، ‘یقینی طور پر بی جے پی اس بارے میں بالکل واضح ہے کہ ریزرویشن کے معاملے پر نظر ثانی کرنے کی کوئی ضرورت نہیں ہے اور نہ ہی بی جے پی ایسے کسی مطالبہ کی حمایت کرتی ہے’

آر ایس ایس کے سربراہ ریزرویشن پالیسی پر نظر ثانی کے حق میں
آپ کو بتا دیں کہ بھاگوت نے سنگھ کے ترجمان اخبار آرگنائزر میں انٹرویو میں کہا ہے ریزرویشن پالیسی پر نظر ثانی کی ضرورت ہے. ان کا کہنا ہے کہ ریزرویشن کا سیاسی استعمال کیا گیا ہے اور مشورہ دیا کہ ایسی غیر سیاسی کمیٹی قائم کی جائے جو یہ دیکھے کہ کسے اور کب تک ریزرویشن کی ضرورت ہے

لالو کی مودی پر تنقید 
سنگھ کے سربراہ کے اس بیان پر آر جے ڈی سربراہ لالو پرساد نے وزیر اعظم پر براہ راست  تنقید کرتے ہوئے سوال کیا کہ کیا وہ ریزرویشن ختم کرنے جا رہے ہیں. لالو نے کہا، ‘مودی جی کیا آپ اپنےآقا بھاگوت کے حکم پر ریزرویشن ختم کرنے جا رہے ہیں’

چیلنج کرتے ہوئے کہا کہ اگر ہمت ہے تو ریزرویشن ختم کر کے دکھائیں. سوشل ویب سائٹ ‘فیس بک’ کے اپنے وال پر اور ٹویٹ کے ذریعہ انہوں نے بی جے پی اور آر ایس ایس کو نشانہ بناتے ہوئے لکھا، “میں ڈرپوک بی جے کو چیلنج  دیتا ہوں کہ آپ ریزرویشن ختم کرنے کے لیے کہتے ہو، ہم اسے آبادی کے تناسب میں بڑھائیں گے. مائی کا دودھ پیا ہے تو ختم کرکے دکھائیں. کس کی کتنی طاقت ہے، پتہ چل جائے گا. “بہار کے سابق وزیر اعلی نے مزید لکھا “لالو نلی گلی میں مٹ جائے گا لیکن مٹھی بھر اونچی ذات والوں کا ایجنڈا اکثریت  پر لاگو نہیں ہونے دے گا”

ٹوئٹ کے ذریعہ لالو کی تنقید 

لالونے ٹویٹ کیا، “آر ایس ایس اور بی جے پی ریزرویشن ختم کرنے کے لئے کتنا بھی منصوبہ بند ماحول بنا لے، ملک کے 80 فیصد دلت اور پسماندہ ان کو کرارا جواب دے گا”

لالو نے دلتوں اور پسماندہ طبقات کو متحد ہوکر بی جے پی اور آر ایس ایس کے ‘ڈیزائننگ’ کو سمجھنے کی اپیل کرتے ہوئے کہا کہ بی جے پی آپ کو  ساتھ لے کر ہی آپ کو بانٹ دیں گے، پھر لکیر پیٹتے رہنا

سابق مرکزی وزیر نے کہا، “اب ریزرویشن ختم کرنے کی بات کر رہے ہیں پھر آپ سے ریزرویشن کی بنیاد پر ملی تعلیم، ملازمت اور سب کچھ چھین لیں گے”