نئی دہلی :(ایجنسی) ایک طرف جہاں حکومت سیاہ دولت  پر نکیل کسنے کی بات کرتی ہے، بڑے- بڑے دعوے کرتی ہے وہیں دوسری جانب ایک نجی چینل کی رپورٹ کے مطابق 59 کمپنیوں کی ملی بھگت سے 6،000 کروڑ روپے کا گھوٹالہ ہوا ہے اور ان پیسوں کو دہلی میں واقع ایک سرکاری بینک کے ذریعے باہر بھیجا گیا
ان پیسوں کو کاجو، چاول اور کھانے پینے اور میک اپ  جیسی چیزوں کی درآمد کا بہانہ بنا کر باہر بھیجا گیا. بینک آف بڑودہ میں 59 کمپنیوں کے جو 59 کھاتے تھے ان میں نقد رقم جمع کرائی جاتی تھی
اس رقم کو بیرون ملک سے سامان منگانے کے بدلے میں پیشگی کی رقم کے طور پر دکھایا جاتا تھا. یہ رقم ڈالر کے طور پر بھجوائی جاتی تھی
سرکاری قوانین کے مطابق اگر بینک ڈالر کی بڑی رقم کے طور پر بیرون ملک ادائیگی کر رہا ہے تو وہ پیسے بھیجنے والی پارٹیوں سے کہتا ہے کہ جس کمپنی کو پیسہ بھیجا جانا ہے اس کے بارے میں مکمل معلومات کے ساتھ لیٹر آف کریڈٹ بھی فراہم کرے
قوانین کے مطابق ایک لاکھ سے زیادہ رقم ایک ساتھ بھیجی جائے تو پتہ چل جاتا پر ایک ہی دن میں رقم کئی بار بھیجی گئی
بینک آف بڑودہ کا اس معاملے میں کہنا ہے کہ معاملے کی تحقیقات کی جا رہی ہے اور اس بینک کو کوئی نقصان نہیں ہوا ہے
انٹیلیجنس ایجنسیوں کو شبہ ہے کہ یہ ساری رقم سیاہ دولت کی کمائی ہو سکتی ہے اس کے ساتھ ہی اس میں کئی بڑے لوگ بھی شامل ہو سکتے ہیں