ممبئی، 2 نومبر (ایجنسی): ٹاٹا گروپ کے چیئرمین عہدہ سے ہٹائے گئے سائرس مستری اور کمپنی کی موجودہ قیادت کے درمیان زبانی جنگ مزید تیز ہو گئی ہے۔ کارگزار چیئرمین رتن ٹاٹا نے آج کہا کہ گروپ کی کامیابی کے لیے مستری کو ہٹانا ’لازمی‘ ہو گیا تھا۔ اس سے قبل کل مستری کے دفتر سے جاری ایک بیان میں کہا گیا تھا کہ الزام ’غلط اور شرارتی بھرا‘ ہے کہ انھوں نے ٹاٹا ڈوکومو معاملے میں جو کارروائی کی وہ اپنی مرضی سے کی اور رتن ٹاٹا کو اس کی جانکاری نہیں تھی۔ ٹاٹا گروپ نے ڈوکومو معاملے کو عدالت کے زیر غور بتاتے ہوئے اس پر کوئی تبصرہ کرنے سے انکار کیا اور کہا کہ اب ”الزامات کا تصور کیا جا رہا ہے۔“ رتن ٹاٹا نے 100 ارب ڈالر سے زیادہ کا کاروبار کرنے والے اپنے گروپ کے ملازمین کو لکھے ایک پیغام میں کہا ہے ”ٹاٹا سنس کی قیادت میں تبدیلی کا فیصلہ منصوبہ بند تھا اور اسے ہدایت کار ٹیم کے اراکین نے پوری سنجیدگی سے لیا اور یہ فیصلہ کیا تھا۔ یہ مشکل فیصلہ احتیاط کے ساتھ اور غور و خوض کے بعد لیا گیا اور ہدایت کار ٹیم اقرار کرتا ہے کہ ٹاٹا گروپ کی مستقبل کی کامیابی کے لیے یہ فیصلہ انتہائی لازمی تھا۔“
ٹاٹا نے مستری کے بیان کے ٹھیک بعد جاری اس خط میں رتن ٹاٹا (78) نے پھر سے گروپ کی قیادت سنبھالنے کے اپنے فیصلے کو مناسب قرار دیا اور کہا کہ انھوں نے یہ قدم ’استحکام کو برقرار رکھنے‘ اور ’قیادت کی رواداری کے لیے‘ پھر سے کارگزار چیئرمین کا عہدہ سنبھالا ہے۔ انھوں نے ملازمین سے وعدہ کیا ہے کہ وہ گروپ کو ایک ’عالمی سطح کی قیادت‘ فراہم کریں گے۔“