فصل بیمہ کرانے کی مدت 10 جنوری تک بڑھائی گئی
نئی دہلی، 31 دسمبر (ایجنسی): زراعت اور کسان فلاح وزارت نے فصل بیمہ لینے کی مدت اور بینک کے ذریعہ کسانوں کو قرض کھاتے سے پریمیم کاٹنے کی مدت کو بڑھا کر 10 جنوری 2017 کر دیا ہے۔ وزیر اعظم فصل بیمہ منصوبہ کے تحت اس سال یعنی 2016-17 ربیع کے موسم کے دوران کسانوں کو نوٹ بندی کے سبب مقررہ مدت کے اندر فصل بیمہ کرانے میں ہوئی پریشانیوں کو دیکھتے ہوئے یہ مدت بڑھاءگئی ہے۔ اس فیصلہ سے ایسے کسان جو نوٹ بندی کے دوران اپنی نوٹیفائیڈ فصل کا بیمہ بینکوں کے ذریعہ نہیں کرا سکے تھے، وہ اب آئندہ سال 10 جنوری تک بیمہ کرا سکیں گے۔