لکھنؤ،31دسمبر(یواین آئی)اترپردیش کے وزیراعلی یوگی آدتیہ ناتھ نے ریاست کے عوام کو نئے سال کی مبارکباد دیتے ہوئے ان کی خوشحالی اور امن و سکون کی دعا کی ہے۔
مسٹر یوگی نے کہا کہ ریاستی حکومت کے عوام کے تعاون سے اترپردیش کو ایک ریاستوں میں ممتاز مقام دلانے کےلئے سنجیدگی سے کام کررہی ہے۔انہوں نے آج یہاں جاری ایک مبارکبادی پیغام میں کہا کہ ریاست کو خوشحالی اور ترقی کے راستے پر لے جانے کی کوششوں کو نئے سال میں مزیدرفتار ملے گی۔
انہوں نے کہا کہ ریاست کی ترقی کےلئے متعدد اہم منصوبے اور عوام کے فلاح و بہبود کے پروگرام چلائے جارہے ہیں،جن سے ریاست کے عوام کی زندگی جینے کی سطح میں بہتری آئے گی اور لوگوں کو روزگار کےنئے مواقع بھی حاصل ہوں گے ۔
وزیراعلی نے کہا کہ ریاستی حکومت کسانوں کو زیادہ سے زیادہ فائدہ دلانے اور دیہی علاقوں کی اقتصادی حالت میں بہتری کے لئے پرعزم ہیں۔نئے سال میں مختلف علاقوں میں نئے منصوبوں اور پروگراموں کو عمل میں لانے کا انتظام کو مزید اثر انداز بنایا جائے گا۔
بہوجن سماج پارٹی کی صدر اور سابق وزیراعلی محترمہ مایاوتی نے نئے سال کی مبارکباد دیتے ہوئے کہا کہ بہادر جوانوں اور خصوصاً اترپردیش کے ہرطبقے کے لوگوں کو مبارکباد دیتی ہیں۔محترمہ مایاوتی نے بیان جاری کرکے کہا کہ خدا سے دعا ہے کہ نئے سال میں نوجوانوں کو روزگار کے مزید مواقع ملیں تاکہ ان سب کی زندگی میں بہت ساری خوشیاں آئیں اور ان کی زندگی امن و سکون سے بھر جائے۔
نیپال مسلم یونیورسٹی کا قیام: وقت کی اہم اجتماعی ضرورت
ڈاکٹر سلیم انصاری ،جھاپا، نیپال نیپال میں مسلم یونیورسٹی کے قیام کی بات برسوں سے ہمارے علمی، ملی، تنظیمی اور سیاسی حلقوں میں زیرِ بحث ہے۔ اگرچہ اس خواب کو حقیقت بنانے کی متعدد کوششیں کی گئیں، مگر مختلف وجوہات کی بنا پر یہ منصوبہ مکمل نہ ہو سکا۔ خوش آئند بات یہ ہے کہ...
