جامعہ سیدنا ابن عباس میں ’’انجمن اصلاح بیان‘‘کا انعقاد
ممبرا(محمد عدنان)جامعہ سیدنا ابن عباس ممبرا شہرکاایک علمی ودینی ادارہ ہے۔ جامعہ کا قیام سلف دارالعلوم دیوبند و ندوۃ العلماء سے مشتق ہے۔ جامعہ کا تعلیمی مقصد “خذ ما صفاودع ما كدر” کے تحت ہے۔ جامعہ “القديم النافع والجديد الصالح ” کی مثال ہے۔ اسی طرح جامعہ میں ہر پندرہ روز میں اصلاح البیان کے نام سے انجمن منعقد ہوتی ہے جسکا مقصد ایسے افراد تیار کرنا ہے جو مسلمانوں کے درمیان سے اختلاف کو دور کریں ، اسلام کی صحیح تبلیغ کریں، اعلاء کلمۃ اللہ کےلئے اپنے آپ کو قربان کریں، زمانے کی ضروریات کو پورا کرنے کی کوشش کریں۔ انجمن اصلاح بیان 6 مہینے کی جہد مسلسل کے بعد قرب امتحان کی وجہ سے موقوف کردی گئی ہے، انجمن کی سب سے آخری کڑی 17 اکتوبر بروز جمعرات بعد نماز مغرب منعقد ہوئی، جس میں طلبہ نے اپنی کارکردگی کا مظاہرہ کیا، اللہ تعالیٰ سے دعا ہےکہ اللہ جامعہ کی کوششوں کو قبول کرے۔آمین