ممبئی : پینٹ سیکٹر کی کمپنی نیرولک پونے میں واقع اپنی زمین فروخت کرے گی، کمپنی نے آج مطلع کیا ہے کہ اس کے بورڈ نے زمین کی فروخت کی منظوری دے دی ہے۔ کمپنی اس زمین کو ہیرانندانی گروپ کو فروخت کرنے جا رہی ہے۔ اس فروخت کے حوالے سے دونوں فریقوں کے درمیان معاہدہ طے پا گیا ہے اور مزید ضروری منظوری لینے کا عمل جاری ہے۔
کمپنی کے مطابق ۳۰؍ جنوری کو ہونے والی میٹنگ میں بورڈ نے کاویسر، پونے میں واقع زمین کو فروخت کرنے کی تجویز کو منظوری دی ہے۔ تجویز کے مطابق یہ زمین ہیرانندانی گروپ کی کمپنی شودھن ڈیولپرز کو فروخت کی جانی ہے۔ یہ سودا ۶۰۰؍کروڑ کا ہے جس میں ۹۶۱۸۰؍ مربع میٹر رقبہ فروخت کیا جائے گا۔ کنسائی نیرولک نے اس سلسلے میں معاہدہ کیا ہے۔
ڈیل سے پہلے، آج کے کاروبار میں کنسائی نیرولک کے اسٹاک میں اضافہ ہوا تھا اور آج اسٹاک 1 فیصد سے زیادہ کے ۴۰۸؍ کی سطح پر بند ہوا ہے۔ اس وقت پینٹ انڈسٹری دباؤ سے گزر رہی ہے۔ صنعت اس وقت کمزور آمدنی اور سست حجم سے لڑ رہی ہے۔ دیہی علاقوں میں آمدنی پر اثرات کے ساتھ ساتھ، چپ کی کمی کی وجہ سے آٹو سیکٹر میں پیداوار میں کمی نے بھی پچھلے سال پینٹ انڈسٹری پر دباؤ ڈالا۔