نئی دہلی : رئیل اسٹیٹ اور ہاؤسنگ کمپنیوں نے کورونا کے دور میں سماجی دوری کی مشق میں اضافے کے بعد آن لائن پراپرٹی کے فروغ اور فروخت پر زیادہ توجہ دی۔ یہی وجہ ہے کہ رئیل اسٹیٹ سیکٹر سے وابستہ پراپ ٹیک اسٹارٹ اپس کی تعداد میں ۲۰۱۶ء کے مقابلے میں ۷۰۰؍  گنا اضافہ دیکھا گیا ہے۔ پراپرٹی کنسلٹنٹ اناراک کی پیر کو شائع ہونے والی ایک رپورٹ کے مطابق جہاں ۲۰۱۶ء میں ملک میں صرف دو پراپ ٹیک سٹارٹ اپ تھے وہیں ۲۰۲۲ء کے آخر تک ان کی تعداد بڑھ کر ۱۴۰۰؍سے زائد ہو گئی ہے۔ جب کہ ان میں سے ۳۰؍فیصدپری سیڈ مرحلے میں ہیں، ۵۶؍فیصد وپ ٹیک اسٹارٹ اپس کو سرمایہ کاروں سے خاطر خواہ فنڈنگ مل رہی ہے۔
تقریباً ۱۴؍فیصد پروپ ٹیک اسٹارٹ اپس اس وقت شناخت کے مرحلے میں ہیں اور جلد ہی فنڈ ریزنگ کے مرحلے میں منتقل ہوجائیں گے۔ اگرچہ ہاؤسنگ سیکٹر کا ملک میں کل زیر تعمیر رئیل اسٹیٹ کا 84% حصہ ہے، فی الحال صرف ۷۰۰ تا ۸۰۰؍کمپنیاں پروپ ٹیک اسٹارٹ اپسکا ۱۳؍فیصد حصہ ہیں۔ ہاؤسنگ کمپنیوں کے لیے پروپ ٹیک میں اب بھی کافی گنجائش موجود ہے۔
ہندوستان کا اسٹارٹ اپ ماحولیاتی نظام دنیا میں تیسرا سب سے بڑا ہے۔ ۲۰۱۶ء میں حکومت کے ذریعہ اسٹارٹ اپ انڈیا پہل شروع کرنے کے بعد سے ۷؍ سالوں کے اندر، ملک میں تسلیم شدہ اسٹارٹ اپس کی تعداد میں ۲۱؍ گنا اضافہ ہوا ہے۔ آج تک، ملک میں تسلیم شدہ اسٹارٹ اپس کی تعداد ۹۰؍ہزار ۵۰۰؍ سے تجاوز کر گئی ہے جو کہ ۲۰۱۶ء میں صرف ۴۵۰؍تھی۔