پٹنہ۔6اکتوبر۔ملک کے ممتاز عالم دین ،معروف محقق، معتمد،امین عام مدرسہ مظاہرعلوم سہارنپور اورنواسہ شیخ الحدیث حضرت مولانا محمد زکریا رحمہ اللہ کا آج مورخہ 6اکتوبر2023بروز جمعہ انتقال ہو گیا ۔ان کے انتقال پر وفاق المدارس الاسلامیہ امارت شرعیہ کے ناظم مفتی محمد ثناءالہدی قاسمی نے انتہائی افسوس کا اظہار کر تے ہوءے فرمایا کہ انکے انتقال سے ملی علمی،تحقیقی اور دینی میدان میں جو خلا پیدا ہوا ہے،اس کی تلافی مشکل معلوم ہوتی ہے ۔مفتی صاحب نے فرمایاکہ انہوں نے مظاہر علوم سہارنپور کے نظام کو انتہائی مشکل وقت میں سنبھالا دیااور اس کی پاءیدار،مستحکم اور علمی تاریخ کو غبار آلود ہونے سے بچا لیا ۔ادارہ کے تءیں ان کی فکر مندی سے آج بھی ادارہ عروج کی منزلیں طے کر رہاہے ۔مفتی ثناءالہدی قاسمی نے فرمایا کہ اللہ نے انہیں تصنیف وتالیف ،ترتیب و تحقیق کی خصوصی صلا حیت عطافر ماءی تھی۔انہوں نے اپنے اس ذوق سے کام لیتے ہوئے مظاہر علوم سہارنپور کی خدمات کے بعض ایسے گوشوں کو کتابی شکل میں پیش کیا۔جس کی طرف عموما اہل علم کی نظر نہیں جاتی تھی۔مکتوبات تصوف،مظاہر علوم سہارنپور کی علمی دینی خدمات ،تحریک آزادی ہند اور جامعہ مظاہر العلوم سہارنپور ،تذکرہ دا نشوران سہارنپور انکی مشہور اور مقبول کتابیں ہیں۔ناظم وفاق المدارس الاسلامیہ نے مولانا مرحوم کی مغفرت اور پس ماندگان کے لیے صبر جمیل کے ساتھ مظاہر علوم کو نعم البدل عطا کرنے کی بھی اللہ سے دعا کی۔