جیو سے مقابلہ کرنے کے لیے ائیر ٹیل اور آئیڈیا نے نیا اسکیم لانچ کیا

نئی دہلی، 9 دسمبر (ایجنسی): ریلائنس جیو کے ذریعہ مفت وائس اور ڈیٹا سروس کی اپنی پیشکش کو آگے بڑھائے جانے کے درمیان ائیر ٹیل اور آئیڈیا نے آج دو تقریباً یکساں اسکیم کا اعلان کیا جس میں صارفین کے لیے مفت کال اور محدود موبائل انٹرنیٹ کی پیشکش کی گئی ہے۔ ان 28 دن کی ویلیڈیٹی والے پلان کی قیمت تقریباً 150 روپے اور 350 روپے کے دو منصوبے پیش کیے جن میں ان کے صارفین ملک میں کسی بھی نیٹورک پر جتنی چاہے کالنگ کر سکتے ہیں۔ اس پلان کے تحت یہ دونوں کمپنیاں 4جی صارفین کو 1جی بی اور بنا 4جی ہینڈ سیٹ والے صارفین کو 50 ایم بی ڈیٹا بھی دیں گی۔ وہیں کم قیمت والے پلان میں ائیر ٹیل و آئیڈیا کی قیمت بالترتیب 149 روپے اور 148 روپے ہے۔ اس کے تحت اس کے صارفین کمپنی کے نیٹورک پر ہی مفت کالنگ کر سکیں گے۔ اس میں دونوں کمپنیاں 300 ایم بی 4 جی اور (50 ایم بی غیر 4 جی ہینڈ سیٹ کے لیے) ڈیٹا دستیاب کرائیں گی۔