دال کی بڑھتی قیمت: اب ڈاکیہ آپ کے گھر پہنچائے گا دال
نئی دہلی، 15 اکتوبر (ایجنسی): دال کی قیمت میں اضافے سے عوام کافی پریشان ہے اور سرکار نے اس پریشانی کو دور کرنے کے لیے ایک بے حد اہم قدم اٹھانے کا فیصلہ کیا ہے۔ بازار میں دالوں کی بڑھتی قیمت اور سرکاری ریٹیل سنٹروں کی کمی کو دیکھتے ہوئے مودی حکومت نے عزم کیا ہے کہ ابھی تک جو ڈاک گھر آپ کو چٹھیاں اور پارسل پہنچانے کا کام کرتے آئے ہیں وہ جلد ہی آپ کے گھر دال لے کر جائیں۔ جی ہاں، حکومت ڈاک گھر کے اس مضبوط نیٹورک کا استعمال لوگوں کو سستی شرح میں دال دستیاب کرانے کے لیے کرنے والی ہے۔
قابل ذکر ہے کہ ریاستی حکومتوں کے پاس اتنے ریٹیل سنٹر موجود ہی نہیں ہیں جتنی دال کی طلب وہاں دیکھنے کو مل رہی ہے۔ ایسے میں مرکزی حکومت ملک بھر میں سبسیڈی حاصل دلہنوں کی فروخت ڈاک گھروں کے بڑے نیٹورک کے ذریعہ کرے گی۔ ان دلہنوں میں اڑد، چنا اور تووَر کے دال شامل ہوں گے اور حکومت کا مقصد رواں تہواروں کے دوران ان دالوں کی دستیابی کو یقینی کرانا ہے۔ صارفین امور کے محکمہ کے سکریٹری ہیم پانڈے کی قیادت والی انٹر منسٹریل کمیٹی کی آج یہاں ہوئی میٹنگ میں یہ فیصلہ لیا گیا۔