نئی دہلی، 24 اکتوبر (ایجنسی): دنیا کی سب سے بڑی تیل ریفائنری بلاک چلانے والی ریلائنس انڈسٹریز اب رسوئی گیس کی خردہ فروخت کے شعبہ میں اتر گئی ہے۔ کمپنی نے پائلٹ بنیاد پر 4 کلو گرام کا ایل پی جی سلینڈر پیش کیا ہے۔ ریلائنس انڈسٹریز نے دوسری سہ ماہی کے نتائج کے اعلان کے وقت سرمایہ کاروں کے سامنے پیشکش میں کہا ”چار کلو گرام کا ایل پی جی سلنڈر پائلٹ بنیاد پر چار اضلاع میں پیش کیا گیا ہے۔“ نجی شعبہ کی ریفائنری کمپنیاں ریلائنس انڈسٹریز اور ایسار آئل اس میں اپنی شراکت داری حاصل کرنا چاہتی ہیں۔ فی الحال عوامی شعبہ کی پیٹرولیم کمپنیاں انڈیل آئل، ہندوستان پٹرولیم اور ہندوستان پٹرولیم کی ایل پی جی کے خردہ بازار پر قبضہ ہے۔ یہ کمپنیاں 5 کلو گرام، 14.2 کلو گرام اور 19 کلو گرام کا سلنڈر فروخت کرتی ہیں۔ صارفین کو ایک سال میں 14.2 کلو گرام کے 12 رسوئی گیس سلنڈر سبسیڈی والی قیمت پر ملتے ہیں۔ اس سے زیادہ سلینڈر کے لیے انھیں بازار کی قیمت ادا کرنی ہوتی ہے۔
19 کلو گرام کا سلنڈر تجارتی استعمال کے لیے ہوتا ہے۔ نجی کمپنیوں کو حکومت سے سبسیڈی نہیں ملتی ہے۔ لیکن حکومت کے ذریعہ سبسیڈی میں کمی کرنے اور 10 لاکھ روپے سے زیادہ کی سالانہ آمدنی والوں کے لیے ایل پی جی سبسیڈی بند کرنے سے ان نجی شعبوں کی کمپنیوں کے لیے بازار بن گیا ہے۔ ریلائنس نے اپنے چار کلو گرام کے ایل پی جی سلینڈر کی قیمت سے متعلق فی الحال کچھ نہیں بتایا ہے۔