ٹائیگر زندہ ہے: چار دن میں 150 کروڑ روپے کی آمدنی
نئی دہلی 26 دسمبر (یو این آئی) سلمان خان اور کٹرینہ کیف اسٹارر فلم’ٹائیگر زندہ ہے’ نے بلاك بسٹر آغاز کے ساتھ پہلے چار دنوں میں 150 کروڑ سے زیادہ کی آمدنی کرلی ہے۔ یہ فلم پہلے تین دنوں میں ہی 114.93 کروڑ روپے کی ریکارڈ آمدنی کرچکی ہے اور کل کرسمس کے موقع پر 40 کروڑ سے زائد کمائے۔
فلم ‘ٹائیگر زندہ ہے’ 2012 میں ر یلیز سپرہٹ فلم ‘ایک تھا ٹائیگر’ کا سیکویل ہے۔ یش راج فلمز کے بینر تلے بنی فلم کی ہدایت علی عباس ظفر نے دی ہے۔ اس فلم نے پہلے تین دنوں کی آمدنی کے لحاظ سے سابق ریلیز فلموں سلطان (105.53 کروڑ) اور دنگل (105.01 کروڑ) کا بھی ریکارڈ توڑ دیا ہے۔
سلمان اور کیٹرینہ کی مشہور فلمی جوڑی اور تھرلر، ایکشن کے ساتھ ‘ٹائیگرزندہ ہے’ 22 دسمبر کو ریلیز کے پہلے ہی دن سے ناظرین کے درمیان کافی جوش نظر آرہا ہے۔