سری نگر ہوائی اڈے پر بین الاقوامی کورئیر آپریشنز کے لئے نوٹیفکیشن جاری

_Notification_issued_for_international_courier_operations_at_Srinagar_Airport

سری نگر

سری نگر بین الاقوامی ہوائی اڈے سے اب براہ راست بیرون ملک جہاز کے ذریعے سامان روانہ کیا جا سکتا ہے کیونکہ کسٹم حکام نے اس سلسلے میں ایک نوٹیفکیشن جاری کی ہے۔

مرکزی حکومت کی طرف سے جاری نوٹیفکیشن کے مطابق سری نگر ہوائی اڈے کے کارگو ٹرمینل کو بیرون ملک سامان در آمد و بر آمد کرنے کے لئے نگران مقرر کیا گیا ہے۔ اس اقدام سے کشمیر کی باغبانی کی پیداوار، دستکاری و دیگر اشیا کی در آمدات کو کافی فروغ ملنے کا امکان ہے۔

ڈائریکٹر سری نگر ائیر پورٹ کلدیپ سنگھ نے کہا کہ مرکزی حکومت کی طرف سے جاری اس نوٹیفکیشن اور اجازت سے ہم اب کارو باری برادری کو سری نگر سے براہ راست سامان کی در آمد و بر آمد کے لئے اپنی خدمات پیش کر سکتے ہیں۔

انہوں نے کہا کہ یہ نوٹیفکیشن دس مارچ کو جاری کی گئی تھی جو سری نگر ایئر پورٹ کی تاریخ میں سنہرے حروف سے لکھی جائے گی۔ ان کا کہنا تھا کہ اب ائیر لائنز خصوصی کارگو پروزیں چلا سکتی ہیں اور وہ بین الاقوامی مسافر بردار پروازوں میں کارگو لے جا سکتی ہیں۔

ڈائریکٹر نے تمام ائیر لائنز سے اس سہولیات سے بھر پور فائدہ اٹھانے کی اپیل کی ہے۔ انہوں نے سری نگر اور گرد و پیش کی تاجر برادری کو بھی اپنے تجارت کو دوام دینے اور اپنے خوابوں کو شر مندہ تعبیر کرنے کے لئے اس سہولیت اور موقعے سے بہرہ ور ہونے کی دعوت دی۔

مسٹر سنگھ نے امید ظاہر کی کہ یہ سہولیت نہ صرف اقتصادی ترقی میں ایک بڑا اقدام ثابت ہوگی بلکہ اس سے ائیر پورٹ کے متصل علاقوں میں روزگار کے مزید موقع بھی پیدا ہوں گے۔

Leave a Reply

Your email address will not be published. Required fields are marked *


ہمارے بارے میں

www.maeeshat.in پر ہم اقلیتوں خصوصا  مسلم دنیا میں کاروبار کو متعارف کرانے اور فروغ دینے کا ارادہ رکھتے ہیں جو حلال اور حرام کے حوالے سے اپنے آپ کو ممتاز کرتے ہیں۔ شروع سے ہی اس جریدے/ویب سائٹ نے مسلمان صنعت کاروں اور تاجروں کو قائل کیا ہے کہ وہ ہندوستانی معیشت کو مضبوط بنائیں اور دوسرے کارپوریٹ کے ساتھ اپنے تعلقات کو مزید فروغ دیں۔


CONTACT US

CALL US ANYTIME




نیوز لیٹر