جمشید پور: جمشید پور کے مسلمانوں میں تعلیم کے بارے میں بیداری بڑھ رہی ہے۔ اس کی جھلک اس سال سی بی ایس ای اور آئی سی ایس ای کے نتائج میں نظر آئی ہے۔آئی سی ایس ای،سی بی ایس ای دسویں، بارہویں جماعت اورآئی ایس سی کے ٹاپرز میں سے تقریباً 8 فیصد (7.92) مسلمان بچے ہیں۔ 10 سال پہلے تک یہ تعداد 3.5 فیصد تھی جو تقریباً دگنی ہوگئی ہے۔ شہر کے 52 اسکولوں کے ٹاپرز پر کیے گئے سروے کے اعداد و شمار سے پتہ چلتا ہے کہ مسلمانوں میں انگریزی تعلیم کے تئیں کشش بڑھی ہے۔ اب وہ اپنے بچوں کو اردو میڈیم کے بجائے انگلش میڈیم میں بھی پڑھا رہے ہیں تاکہ ان کے بچوں کو بھی روزگار کے بازار میں اچھی نوکری مل سکے۔
باون اسکولوں پر سروے کیا گیا
یہ سروے شہر کے 52 اسکولوں پر کیا گیا ہے، جن میں سے 26 آئی سی ایس ای اور 26 سی بی ایس ای بورڈ اسکول ہیں۔ دونوں بورڈز کے کل 568 ٹاپرز میں سے 45 ٹاپرز کا تعلق مسلم طبقے سے ہے۔ ان 45 ٹاپرز میں سے 26آئی سی ایس ای اور 19 سی بی ایس ای سے ہیں۔ یہی نہیں دسویں میں ٹاپ کرنے والوں کی تعداد زیادہ ہوئی ہے۔ دسویں جماعت میں کل 26 اور بارہویں جماعت میں 19 ٹاپر رہے ہیں۔
اسکول ٹاپرز
ان میں سے 90% ٹاپرزان اسکولوں سے ہیں جنہیں اوسط اسکول سمجھا جاتا ہے۔ ان کی تعداد مانگو کے علاقے میں واقع اسکولوں کے ٹاپرز میں زیادہ ہے۔ گووند ودیالیہ، ریور ویو، آر وی ایس اکیڈمی اور لٹیرا جی سے سب سے زیادہ ٹاپر ہیں۔
ان اسکولوں میں 45 ٹاپرز میں سے 15 ٹاپر ہیں۔ شہر کے اسکولوں میں آندھرا ایسوسی ایشن انگلش اسکول، جے ایچ تارا پور اسکول، جوسکو اسکول اور کدما کے کاشیدیہ ہائی اسکول میں زیادہ ٹاپر ہیں۔
جمشید پور میں مسلمانوں کی آبادی تقریباً 7 فیصد ہے۔جمشید پور میں تقریباً سات فیصد مسلم آبادی ہے۔ سب سے زیادہ 41 فیصد آبادی مانگو کے علاقے سے ہے۔ مشرقی سنگھ بھوم ضلع میں مسلم آبادی 9 اور جھارکھنڈ میں 15 فیصد کے قریب ہے۔
ٹاپر مسلم بچوں کاتناسب
سی بی ایس ای دسویں وبارہویں میں مسلم بچوں کا تناسب7.48ہے جب کہ آئی سی ایس ای دسویں میں11.27فیصد اور بارہویں میں6.07فیصد ہے۔
آئی سی ایس ای میں15مسلم ٹاپرز ہیں جب کہ آئی ایس سی میں11مسلم ٹاپرس ہیں۔۔گووند ودیالیہ میں5مسلم ٹاپرس ہیں جب کہ جسکو اسکول ساؤتھ پارک میں4مسلم بچے ٹاپر ہوئے ہیں۔۔کاشیدیہ ہائی سکول میں2، ودیا بھارتی چنمیا ودیالیہ میں2مسلم ٹاپرز ہیں۔ جے پی ایس سینٹ میریز،لیٹرا،بالڈوین،کے وی ٹاٹانگر اور شانے انٹرنیشنل میں ایک ایک مسلم بچوں نے ٹاپ کیا ہے۔آندھرا ایسوسی ایشن انگلش اسکول میں3، ریور ویو اسکول مانگو میں 5،آر وی ایس اکیڈمی میں2،تارا پور اسکول میں 3،اے ڈی ایل ایس سن شائن اور کیرالہ سماجم سے ایک ایک مسلم ٹاپرز سامنے آئے ہیں۔علاوہ ازیں کچھ دوسرے اسکولوں میں بھی مسلم بچوں نے ٹاپ کیا ہے۔
