موسم گرما سے پہلے ہی کولنگ مصنوعات، سافٹ ڈرنکس کی مانگ میں اضافہ، فروری میں قیمتیں۷؍سے ۲۵؍فیصد بڑھ گئیں

نئی دہلی : اس مہینے ائیر کنڈیشنڈ اورفریج کی فروخت میں ۱۰؍ فیصد سے زیادہ اضافہ ہوا ہے۔ سافٹ ڈرنکس، دودھ کے مشروبات، پانی اور آئس کریم بھی زیادہ فروخت ہونے لگی ہیں۔ جس کی وجہ سے ان کی قیمتوں میں ۷؍تا ۲۵؍فیصد اضافہ ہوا ہے۔ آنے والے مہینوں میں فروخت میں مزید اضافہ متوقع ہے۔ ایسے میں کمپنیوں نے پیداوار بڑھانا شروع کر دی ہے۔
درحقیقت ملک کے شمالی اور مغربی حصوں میں دن کا درجہ حرارت کئی سالوں کے ریکارڈ کو چھو رہا ہے۔ عام طور پر فروری میں ایسا نہیں ہوتا۔ جس کی وجہ سے گرمیوں میں استعمال ہونے والی مصنوعات کی مانگ بڑھنے لگی ہے۔ نتیجے کے طور پر ایل جی ، گودریج ایپلائینسز اور پیناسونک جیسی کمپنیاں اے سی فریج کی تیاری میں ۱۰۰؍ فیصد اضافہ کر رہی ہیں۔
دنیا بھر میں پیپسی کو کی سب سے بڑی فرنچائزی ورون بیوریجز نے گزشتہ سال دسمبر سے انوینٹری میں اضافہ کرنا شروع کر دیا ہے۔ بھارت میں، کمپنی مدھیہ پردیش اور راجستھان میں دو نئے پلانٹ بھی لگا رہی ہے، ساتھہی ۶؍ موجودہ پلانٹس کی صلاحیت میں اضافہ کر رہی ہے۔
ایل جی انڈیا: کلبھوشن بھاردواج، سینئر جنرل منیجر، نے کہا، “مہنگائی کے باوجودایف ایم سی جی کمپنیوں نے بھی پروڈکشن بڑھانا شروع کر دی اے سی فریج جیسی وائٹ گڈز کے ساتھ ایف ایم سی جی مصنوعات کی پروڈکشن بھی بڑھائی جا رہی ہے۔ کنسلٹنسی فرم ’ریڈسیر‘ کے تجزیہ کاروں نے ایک نوٹ میں کہا کہ ۲۰۲۳ء میں موسم گرما کی کچھ مصنوعات کی زبردست فروخت ہونے کی امید ہے۔” یہ نوٹ ہندوستان یونی لیور، نیسلے، آئی ٹی سی اور اسپینسر ریٹیل جیسی کمپنیوں کے سیلز آؤٹ لک پر مبنی ہے۔

Leave a Reply

Your email address will not be published. Required fields are marked *